Aiseya 44:20 - DAWAN BÎLA AISKA

²⁰ Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 44:20 ပူးပေါင်းရင်းမြစ်များ

Job 15:31

Taniskira baku ai kuninka ra kasak lukisa kaka, kunin munan mana ba witin ai dukia kabia.

Lawana Nani 102:9

Plun piaia katna ba yamhpus pisna; diaiki ba naikra laya ni abalkan sa,

Lawana Nani 115:4

Idan nani aidulka ba, gul bara silbar nani sa upla bui diara kum ai mihta nani ni paskan ba:

Lawana Nani 144:11

prura sordka wina dakbi sâks; dakbi ai sâks upla tringsar nani karnika mihta wina, kunin aisi nani ba wina, witin nani ai mihta aihkika bukisa kunin swer taki aisaia.

Lawana Nani 144:8

baha nani kunin aisi banhwisa, bara ai mihta aihkika buki, kunin swer aisisa sika.

Sins Lâka 15:14

Wan kupia tânka brih luki ba, sins lâka plikisa, sakuna taniskira nani bîla lika ai taniska lâka ba ai pata baku brih pîsa.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Aiseya 57:11

“¿Baha gâdka nani ba ya sa, bahara man sibrinkira mayuni kapram ba, bara man bui yang maipara kasak apia ba bara aiska pali âmya ai tikram ba? Man sin yang ra pain ai kulkras katma ba ra, yang âpu baku sâp katna.

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Abakuk 2:18

¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Luk 15:16

Witin sin brin dauki kan ai biara ba banhkaia plun taya nani kwirku nani pi kan ba ni, sakuna upla kumi pan baha sin sip yaras kata.

Roman 1:25

kan witin nani Gâd kasakka lâka ba kasak lukras, kunin lâka ni kulkan, bara Gâd paskan dukia nani ra ni ai pura suni mayunan, Gâd pali ra lika apia, bara witinka pali ra sika mayuni ban kaia ba. Baku kabia.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

1 Timoti 4:2

Upla mawan wâl bara kuninkira nani ra walbia, baha nani kupia lukra ba sim ayan angkan lapta ba baku sa.

2 Timoti 2:13

Yawan na kasak apia sa kaka, witin lika ban kasak sa, kan Gâd ai tânka ra sip apia wiras.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 18:23

Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”

Param Marikanka 20:3

Tihu tara ra lulkan, bara bahara durka praki baha purara sîl mangkan, bara baku nisan nani ra kau kunin munbia apia dukiara, mani 1,000 ba lubia kat. Mani 1,000 ba lubia ningkara, witin ba lanhkan kaia sa piua wiria baman.