Aiseya 44:19 - DAWAN BÎLA AISKA

¹⁹ Man nani luki kaikras sma, sins lâka âpu, diara tânka aisaia: “Naha wina mânka kum pauta ra piakri, ai maskuka purara plun angkri, wîna angkri, bara baha piri; bara kau witin mânka wala ba wina diara saura pali kum daukri, dus klakan praiska kum dauki bahara puri sunisna.”

Aiseya 44:19 ပူးပေါင်းရင်းမြစ်များ

1 King Nani 11:5

Salaman lika Sidón nani gâdka bahki Astarté ra nina blikan, baku sin Milcom, Amón uplika nani gâdka saura pali kulkan ba ra sin nina blikan.

1 King Nani 11:7

Baha yua nani ra Salaman utla kum mâkan, Jerusalem lalma tani, unta tilara aidul bahki Quemós ra mayunaia; baha ba Moab uplika nani aidulka kan, baku sin Moloc ra, naha lika Amón uplika nani gâdka bahki kan ba.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

2 King Nani 23:14

Bara sin lilka walpa ni paskan kan ba, yuya baman krikan, dus playa nani ra dawan ra kulki baku kan ba sauhki tikan, bara baha watlika ra upla dusa nani wal baman banhkan.

Impakan Sturka 7:23

King fero kli ai watla ra tawi wan, diara nani taki ba dukiara diara lukras pali aihwa.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Aiseya 46:8

“Naha kupiam krauki bas, saura dadaukra nani, yaprisauhkan ra kaiki baku takpara, pain luki kaiks;

Aiseya 5:13

Baha mita, witin nani walaia apia luki ba tâka upliki nani ba priski brih wan kabia. Tawan sut bara ai wihtka nani ba sin, plun wahwan mita bara lî diran mita sut prubia.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Isikiel 40:4

Bara baha waitnika ai win: “Aman kaiks bara tânkira wals; aman pali kaiki bas diara sut mamrikaisna nani ba, Gâd mai brih balan sa yang diara na mamrikaia. Ningkara, dîa kaikma ba sut Israel luhpia nani ra wima.”

Oseas 4:12

Upliki nani ba dus gâdka nani ra ai pura sunisa; ai mihta ra dus nani bri ba dusa ni, ai gâdka wal aisaia lan takisa. Ur takaia brinka ba mita taibi brisa, mistik takan nani ba yabalka ra upliki nani ba wapisa: tâski taki, Gâd lama wina taki wan.

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Hageo 1:5

Karnika sut alki brisna Dawanka ba, yang mai wisna: ¡Man nani daukankam ba laki pain kaiks!

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.