Aiseya 44:13 - DAWAN BÎLA AISKA

¹³ Yawan kaikpi dus ni diara papaskra ba: kulkaika dukia ba ni, dus ra praki kulki kaikisa, lilka ba ulbisa dus ra, baha ningkara klakaika ba ni klaki upla lilka painkira kum daukisa, upla wîna daukra lilkika paskisa, upla pranakira lilka ba, bara tempel bilara suni swisa.

Aiseya 44:13 ပူးပေါင်းရင်းမြစ်များ

Blasi Sturka 31:19

Sakuna Labán sîp taya irbaia wisi ai sîpka daknika wala nani tilara taki wan kan, bara Raquel ai watla ra dimi, aidul nani bri kan ba impliki brih wan.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

Blasi Sturka 31:32

Sakuna yang nani tili na wina ya man gâdkam nani ba brisa kaka, baha uplika ba lika pruaia kabia. Yang taiya nani nâra na witnis sa: bamna man ai wis, dîa man dukiam yang nâra brisma kaka, brih was. Sakuna Jekob nu âpu kan Raquel baha aidulka nani ba implikan kan ba.

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

Aiseya 41:7

Diara nani lilka paski uplika ba mita, gul ni diara papaskra ra tâ baikisa; amar ni pruki lalalni dauki ba mita, ayan ra mangki pruki bara sin baku win, slilki prakanka ba pain pali sa; bara silak ni aidulka nani ba sabi karna daukan, kitwaia apia dukiara.

Aiseya 44:14

Apia kaka upla kum kra, yalam dusa ba mangkisa bara lî auhi ba wal pâwisa; baha ningkara bri kabia yalam dusa klakaia, apia kaka saiprus dusa, apia kaka usupum dusa, unta ra main kaiki yaban tara nuhwan kat.

Isikiel 8:10

Dimri, bara kaikri bara kaiks piuta lilka, bara yamni kaikaia apia daiwra talika lilka; bara Israel watla ra aidulka nani sut ba lilkika daukan kata kutban aiska ra.

Isikiel 8:11

Bara witin nani mawanra, Israel almukka nani 70 iwi kata; bara Safán lupia Jaazanías sin witin nani tilara bâra kata; kumi bani sîka mâka kîa painkira angkaia ai mihta ra bri kata; bara kiasma siksa pali uli wi kata.

Isikiel 8:12

Bara yang ra ai win: “¿Kaikisma ki, Israel almukka nani yukuwan ra diara dauki ba, kumi bani witin bâra ba lilka nani ulbi daukan ba? Kan witin nani lukisa yang ba kaikras, bara kuntri ba sin lulki swiri.”

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?

Roman 1:23

kan ban kaia ra pruras, Gâd ra prana ba swi si, pruaia uplika lilka ra ni tawan, ban sin daiwan tnawira nani bara kwasi nani lilka ra, bara daiwan mina walhwal bri nani ra sin.

Kli Smalkanka 27:15

‘Diara papaskra nani mita ayan slilki aidul lilka kum paski tihmia pliska kum ra swika bâra kabia lahtubanka dukiara, kan baha ba Dawan saura kaikisa.’ Bara upla wibia: ‘Baku kabia.’

Kli Smalkanka 4:28

Dus, walpa aidulka, gâd bahki upla mita daukan ba, sip kaikras sa, walaia sin walras sa, piaia sin piras sa, ai wingka puhbras ba, bahara man nani baha warkka daukma.

Wihta Nani 18:24

Micaías pana witin nani ra win: —Yang gâdki nani mihti nani wal paski bri kapri ba, bara prîski ba sin, man nani brih auma, bara duki nani âpu ai dauki ai swisma, ¿bara kau ban kupias baku makabi walisma, man nani dîa trabil brisma?