Aiseya 43:5 - DAWAN BÎLA AISKA

⁵ Si bripara, kan yang lika man wal sna; man kiamkam ba lalma wina bri balamni, bara muna wina asla mai kukamna.

Aiseya 43:5 ပူးပေါင်းရင်းမြစ်များ

Lawana Nani 106:47

¡Dawan, swaki wan sâks, Dawan wan Gâdka! ¡Wahbi wan sâks nisan nani tila ba wina, man ninam holi ba mayunaia dukiara, bara liliakira ninam ba mayunamni!

Lawana Nani 107:3

Witin nani ba asla daukan yahbra, waupasa, lalma, bara muna tani kuntrika nani ba wina.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 41:9

Tasba paski takaskri ba wina mai paiwri, plis kau laihura pali ba wina, bara man ra mai wîri: ‘Man ba yang warkki dadaukra ba.’ Bâk mai sakri bara mai lulki lika mai swiras.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 49:12

¡Man nani kaiks! Naha nani na witin nani laih wina aula: tila yahbra wina, bara tila muna wina, bara Asuán tasbaya wina sin.

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Aiseya 54:7

“Piua wiria lupia baman yang mai lulki mai swiri; sakuna umpira kaikan lâka tara ba wal, laimara kli asla mai daukamni.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Jirimaya 23:7

Dawan ba kasak aisisa: “Piua nani balbia bara baha yua ra man ban naku swer taki aisi kama apia: ‘Dawan raya ba mita Israel luhpia nani ba Idsip wina sakan’,

Jirimaya 23:8

sakuna man nani naku swer taki aisi kama: ‘Dawan raya ba mita Israel luhpia nani yahbra kuntrika wina kuntri wala nani wina sin ani anira yakaban ba wina sut saki bri balan.’ Bara witin nani ai tasbaya ra iwi kabia.”

Jirimaya 29:14

Âu, yang aisisna, man nani ai pliki ai sâkma, tasbayam ba yang kli maikamna: kuntri bani ra bara plis bani ra nisan nani tilara mai yakabri ba wina asla mai bri balamna, man nani tasbayam ra kli waia daukamna. Yang, Dawan, kasak aisisna.’

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 42:11

Man Babilon kingka ra luki sibrin pali mai dauki ba, si bripara. Man nani lika witin sîa bripara. Kan yang lika man nani wal sna witin karnika ba wina swaki mai sakaia pri mai sakaia. Yang, Dawan, kasak aisisna.

Jirimaya 51:46

Naha kuntrika sturi nani aisi ba man nani ra sirang mai ikbiara, man nini si bripara. Mani bani bin nani sât sât taki kabia kuntri ba ra upla nani ra saura munan sturka wihta nani wihta wala mapara buan binka.

Joel 3:7

Sakuna baha tasbaya ba wina, yang bui kli witin nani ba saki bri balamna, bara man nani dîa witin nani ra munram ba mana, yang sin man nani ra mai kulkamna.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Sakaraya 8:7

Yang bui upliki nani ba pri daukamni, lalma kuntrika, muna kuntrika uplika nani karnika ba wina,

Luk 13:29

Kan upla nani balbia lalma wina, muna wina, yahbra wina bara waupasa wina sin, Gâd king aimaki tasbaya ra iwi plun piaia dukiara.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,