Aiseya 43:3 - DAWAN BÎLA AISKA

³ Kan yang sika man Dawankam, man sasakrikam sna, Israel ra Gâd Holikira ba, yang duki mai briri; man puram manka baku Idsip ra, Etiopía ra bara Sebá sin aibapri.

Aiseya 43:3 ပူးပေါင်းရင်းမြစ်များ

Blasi Sturka 10:7

Bara Cus luhpia nani ba: Sebá, Havilá, Sabtá, Raamá bara Sabtecá. Raamá luhpia nani ba: Sebá wihki Dedán wal.

Lawana Nani 72:10

¡Prisant nani bara lal mana nani bri balbia, Tarsis kingka nani, kî dakura kingka nani wina, Sabá bara Sebá kingka nani sin!

Impakan Sturka 10:7

Bara king fero uplika tara nani bila aisi, win: —¿Ahkia kat naha waitnika na ban trabil wan muni ba takaskbia? King ba Israel luhpia nani ba swika mahka wabia bara ai Dawanka Gâd ra mayunbia. ¿King ba kaikras sa ki, Idsip ba danh sut sauhkan ba?

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Sins Lâka 11:8

Kasakkira lika trabil saura wina pri sakan sa, kuna watawikira ba, witinka watlika ra aimakisa.

Sins Lâka 21:18

Upla kuninkira bara watawikira ba, kasakkira bara kulkan bri nani ba watlika ra, pât wahwaia sa.

Aiseya 19:20

Baha ba sain kum, witnis sin kabia karnika sut bri Dawanka ra Idsip tasbaya ra. Witin nani Dawan hilp makabi winbia, witin nani ra rausasauhkra nani ba mapara, bara witin, baha nani ra swaki sasakra blîkbia, kan suni pri sâkbia dukiara.

Aiseya 20:3

Bara Dawan bila win: “Yang duki dadaukra Aiseya ba mani yumhpa sûs âpu bara ai prâka tara ba dimras tauki kan, Idsip bara Etiopía wal mapara sain baku mariki kan.

Aiseya 30:11

Man nani yabal ba swis, yabal bîla pali wina tnaya ra taws, yawan mawan wina Israel Gâdka Holikira ba sâks.”

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 42:8

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

Aiseya 43:11

Yang, yang baman Dawan sna, yang wina wala âpu sa swaki mai saki ba.”

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 45:15

Ban sakuna, man sika Gâd kum wan nakra ni kaikras, Gâd, Israel swaki sasakra.

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 63:8

Witin win: “Witin nani ba yang upliki sa, baha luhpia nani ba waihli mihta ra mangkaia apia kaia sa.” Bara witin swaki sakan,

Jirimaya 14:8

Israel bîla kaikanka, piua karna nani tilara yang nani swaki ai sasakra, ¿dîa muni man upla tringsar kum wan tasbaya ra tauki ba baku taukisma ba, impapakra kum tihmia kum man takaski mahka auya ba baku?

Jirimaya 16:21

“Baha mita aima kumi ra diara sut, karniki ba witin nani ra marikaia sna; baku witin nani tânka bribia yang nini ba Dawan.

Isikiel 39:7

Yang yabrika nini holikira ba upliki Israel kakaira takbia, bara yabrika ban tâski dauki kabia apia. Bara nisan tringsar nani ba kaikbia, yang, Dawan, holikira lâka marikisna ba Israel ra.

Oseas 13:4

Dawan aisisa: “Yang, Dawan, yang lika man Gâdkam ban sna Idsip tasbaya ra kapram ba yua wina: Yang tnaiya ra Gâd wala, yang baku man kaikma apia, sakuna yang baman lika, kan yang baman sna, man swaki sasakrikam.

Libait Lâka 11:44

kan yang sika man nani Dawan Gâdkam sna. Man nani klin pali takaia sma holi pali sin, kan yang holi sna ba baku. Daiwan ai lamara raswi tauki nani ba aikuki tâski takpara.

Emus 9:7

Dawan bui Israel luhpia nani ra aisisa: “Etiopía uplika nani ba, man nani wal, yang maipara upla sâtka kumi banhwisma. Israel luhpia nani, Idsip tasbaya ba wina yang saki bri balri ba baku, filisteo uplika nani sin, Creta wina yang saki bri balri, baku sin Siria uplika nani ba, Quir wina yang saki bri balri.”

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.