Aiseya 43:13 - DAWAN BÎLA AISKA

¹³ Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 43:13 ပူးပေါင်းရင်းမြစ်များ

Job 10:7

Man kasak kaikisma yang na pâtkas sna, bara upla âpu sa man karnikam mununhta ba wina ai dakbi ai sakaia.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Job 9:12

Witin diara kum dawanka takbia kaka, ¿ya sip sa makabaia dîa witin dauki ba dukiara?

Lawana Nani 102:28

Nampakan nani kiamka ba ban kan suni kama, witin nani kiamka sin, man mamwanra ban bapan kabia.

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Lawana Nani 93:2

Baha piua wina, Dawan, man iwaikam ba ban bâra sa. Man patitara wina ban bâra sma.

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Sins Lâka 8:23

Blasi pali wina, yang pas bapi ai bukan kan, diara sut kan kira, wan tasba kau âpu kan ba ra.

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 46:4

almuk pali kamna ba ra, yang dîa pas katna baku kamna, tâiwa pihwan kabia kat sin yang ban tâm baiki kamni; yang bui man nani mai daukri bara kau ban watauki kamna man nani aikuki; yang tâm baiki kamna bara swaki mai sakamna.

Aiseya 47:15

Bahara sukia nani brisma ba, witin nani naha baha kat takaskan baha nani wal rayakam ailal pali daukram ba. Witin nani kumi bani ai yabalka kat wan bara upla kumi sin âpu sa swaki mai sakaia.

Aiseya 48:16

Man nani laimara bal, naha wals: Blasi pali ba wina yang yukuki aisaras kapri; baha warkka nani daukan ba wina, yang baha tilara ban sna. Bamna nanara yang, Dawan, karniki witin ra yabri witin ba blikri balaia.”

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Oseas 2:10

Ai waitnika latwankira nani kaiki kaka, prâka daiki taya man swimna. ¡Upla kumi sin witin ba, mihti wina dakbi sâkbia apia!

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Abakuk 1:12

Dawan, man ba tâ pali wina Dawanki ban sma. ¿Man ba yang nani Gâdki sunukira ban kaia ra raya sma apia? Yang nani kaini kakahbra Dawanka, man mita Caldea uplika nani ra karnika ba yaram kasakkam lâka tânka ba kat daukaia.

Kulki Kaikanka 23:20

Yamni wiaia adarka ba yang brisna; Gâd mita yamni munisa kaka, yang mita sip mapara aisaras.

Jan 8:58

Jisas pana win: —Kasak pali mai wisni, Ebraham kau aisubi takras kan ba wina, yang pat bâra sni.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Kli Smalkanka 28:31

Mamwan kat bîpkam bul nani nana dakbi kabia, kuna man nani pima apia; mihtam wina birikukam saki bri wabia, kuna kli bri bal maikbia apia; sîpkam nani waihlam nani mihta ra kauhbia, bara upla âpu kabia dakbi maikaia.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

Hibru Nani 13:8

Jisas Kraist ba lika sim ban sa, nahwala, naiwa bara ban kaia ra.

Jasua 2:2

Sakuna upla kum pat kaikan bara Jeriko kingka ra maisa pakaia wan bara witin ra naku win: —Israel luhpia nani wina, wan tasbaya tânka na pliki kaikaia balan.

Param Marikanka 1:8

“Yang sika tâ bara tnata lâs ba sin,”, Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.