Aiseya 42:3 - DAWAN BÎLA AISKA

³ Yauhrus lâwan ba witin mita krikbia apia, lamp wîkka daswaia kiasma taki ba sin, daskbia apia. Wapni lâka daukanka ba kasakka lâka ba sin bri balbia.

Aiseya 42:3 ပူးပေါင်းရင်းမြစ်များ

Lawana Nani 54:5

Witin bui sika, yang ra saura ai munaia pliki nani ba, pana witin mapara bûi banhbia. Sauhki tiks, Dawan, kan man sika kasak sma bamna; yang prisant sakripaiska ba maikamni, bara ninam ba mayunamni, man ba kasak sma,

Lawana Nani 94:15

Kasakka lâka ba, kli kasakka ra tawi balbia bara upla bani baha kulkanka lâka ba nina blîkbia.

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Aiseya 2:4

Dawan mita nisan bani tilara lâ daukbia, upla ailal aiklabanka ba wapni daukbia. Aiklabaia sordka ba tasba tukbaika daukbia, ai langsika nani ba, plawar mâ klakaia sord buhla daukbia. Nisan kum, nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 42:2

Yabal nani ra witin winbia apia, ai bîla sin bukbia apia, yabal tara nani ra ai bîla baikra binka sin walbia apia.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Aiseya 63:1

—¿Naha ya Bosrá wina aula ba, Edom kiapitalka ba wina, ai prâka ba laya pauni ni pauni daukan ba, ai prana tara wal ai prâka dimi aula ai karnika tara wal wapi ba? —Yang sika, aiklabi pura luaia ba dukiara aisisna ba, bara karnika brisna swaki sakaia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 31:25

Bara plun pin kabia, diara din kabia aibanhwan praiska swapan nani ba bara karnikas ba sin.”

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Miqueas 7:9

Dawan mapara saura daukri bamna, witin kupia baiwanka tilara ban bapi bûi kamna, witin mita yang lâika aisi dauki wapni ai sâkbia ba kat. Witin mita ingni ra ai sâkbia, bara yang lika witin kasakka lâka tânka ba kaikamni.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Matiu 12:20

Yauhrus bulwan kum pan witin krikbia apia, lamp wîkka kiasma saki ba sin daskbia apia, wihta kaia lâka karnika alki bribia ba kat.

Jan 20:27

Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.