4 ¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.
¿Kabu tara ba ya pat ai mihta ra alki kulki kaikan, apia kaka ai mihta sirpika nani ba ni kasbrika pura bîla yahpika ba pat wiria kulki kaikan? ¿Ya pat tasba yuya nani ba sut kâp kumi ra auhban, apia kaka, kiuhsi nani il nani ba sut paun ra mangki kaikan?
Man nani namkra nani purara buki kaiks; bara kaiks ya naha diara nani na paskan ba. Baha nani sut ba witin kumi saki kulkisa; baha nani sut ba witin nina nani kat mâki winisa, sut ba bâra sa. Baku sika witin tara sa, ai karnika ba sin, ai kingka lâka karnika ba sin.
tasba ra upla sut baha kaiki tânka bribia dukiara, witin nani ai tânka bri kaia sa bara sut sin tânka bribia, yang Dawan sna na, baha sut ba karniki wal daukri ba. Yang, Israel Gâdka Holikira sna, baha ba paskri.”
¿Ya mita naha sturka na maisa pakan tâ pali wina, bara yawan tânka briaia kan? ¿Ya mita pat dahra aisin, bara yang nani witin ra raitka yabamna? Man nani kumi sin baha takaia sturka ba aisaras kapram, upla kumi sin bîla kumi pan aisaras kan.
¿Ya mita yan Jekob dukia nani ba dakbi brih waia, bara Israel ba taibi muni, dukia impliki waihla mihta ra mangkaia? Baha sika Dawan kata ba, yawan bui witin ai mapara saura dauki na. Witin nani ai yabalka nani ra impakaia brin wan daukras kan, ai lâka ba sin yawan nani walras kan.
Dawan aisisa: “Man nani ba yang witniski nani sma, bara yang duki dadaukra, yang mita bâk sakri ba, man nani ai kaikma bara yang ra kasak lukaia bara man nani tânka brima yang ban sna ba; Gâd kumi wala yang kainira âpu sa, bara yang ningkira sin âpu sa.
Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”
Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.
“Israel, man nani bui yang ra wals, Jekob uplika nani, man nani ra yang mai paiwri ba; yang sika Gâd kumi, wala âpu, sut tâura ba yang lâs ra sin yang baman.
‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,
Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!
bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”
Yang bui witin ba kaikri ba ra, ai mina kat pruan baku kauhri. Sakuna witin mita ai mihta aihkika ba purira kahbi, ai win: “Si bripara; yang sika tâ bara lâs.