Aiseya 41:20 - DAWAN BÎLA AISKA

²⁰ tasba ra upla sut baha kaiki tânka bribia dukiara, witin nani ai tânka bri kaia sa bara sut sin tânka bribia, yang Dawan sna na, baha sut ba karniki wal daukri ba. Yang, Israel Gâdka Holikira sna, baha ba paskri.”

Aiseya 41:20 ပူးပေါင်းရင်းမြစ်များ

Job 12:9

¿Upla kum bâra sa ki kau tânka briras ba Gâd ai mihta nani ni diara sut paskan ba?

Lawana Nani 109:27

bara witin nani kaikbia, man ba Dawan sma, naha na man mihtam ni daukram sa.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 29:24

Aimawahkan nani ba sins briaia lan takbia, rarangbra nani ba sin lâ smalki yan ba witin nani lan takbia.”

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 43:15

Yang sika Dawan sna ba, Israel Papaskra, Gâd Holikira ba, bara man nani kingkam ba.”

Aiseya 43:21

Naha uplika nani ba yang mita paskri; yang maiyunra dahra ba aisaia.

Aiseya 44:23

¡Kasbrika pura, liliakira wins Dawan daukan ba dukiara! ¡Wins raya sa, tasba tihuka nani pali ba! ¡Il nani bara unta ra dus tara nani sin, liliakira wini banhs; kan Dawan ai prana ba marikan, Israel luhpia nani ba swaki sakan bamna Jekob uplika nani ba!

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Kulki Kaikanka 23:23

Jekob ra saura munaia tânka âpu sa, Israel mapara buaia sukia lâka ba bahki sa, bamna nanara Israel naku wiaia sa: ‘¡Israel, aima an Dawan ba man nani wal wark aihkakira nani pat daukan ba!’

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.