Aiseya 41:17 - DAWAN BÎLA AISKA

¹⁷ “Kupia kriwan umpira nani ba, lî plikisa, sakuna sip lî sakras. Diran daukan man ai twisa nani ba sut lâwan sa; sakuna yang, Dawan ba witin nani ra walamni, yang lika Israel Gâdka lulki swimna apia.

Aiseya 41:17 ပူးပေါင်းရင်းမြစ်များ

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

1 King Nani 17:8

Bara Dawan Ilayas ra win:

2 Kronikas 6:17

Baku bamna, Dawan, Israel Gâdka, albikam Debit ra dîa man bîlam wiram ba kat daukma.

Lawana Nani 22:15

Bîli sin lâwan, laya âpu sa; yang twisi na dairkaya kat alkan. ¡Man bui yang na, prura tasbaika kat ai bri balram sa!

Lawana Nani 34:6

Naha waitna umpira ba inan, bara Dawan bui witin ra walan, ai trabilka sut wina pri sakan.

Lawana Nani 37:25

Yang wahma kapri, nanara sin almuk takri, sakuna yang kau kaikras upla kasakkira nani ba; Dawan mita lulki swin ba ra, ai luhpia nani ba upla ra diara makabi tauki kan.

Lawana Nani 42:2

Dawan rayakira, rayaki na man ra luki diran daukisa. Dawan, ¿ahkia yang kli wih mamwanra bûi kamna?

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 74:21

Taiban lâka ra iwi uplika ra yabrika mâyara kulkbiara; ¡man bui yabrika bawikira nani bara upla umpira nani ba mamyuni banhbia!

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Impakan Sturka 17:3

Ban sakuna, upla nani ba diran dauki kan bamna, Moses mapara karna aisin. Witin nani wi kata: —¿Dîa muni Idsip wina wan sakram? ¿Lî diran bla wan luhpia bara wan daiwra nani sut aikuki, wan ikaia daukram?

Impakan Sturka 17:6

Yang Horeb ilka ra bîlam kaiki kamna, walpa tara kum purara, man walpa ba ra prukma ba ra, lî baha wina bal takbia upla nani ba diaia. Bara Moses baku daukan upla almuk nani mawanra.

Aiseya 30:19

Kasak pali upla nani Saion, Jerusalem ra iwi ba: man kli inma apia; Dawan umpira mai kaiki ba, witin ai kupia pihni man dukiamra bribia; bîlam baikra inanka walbia ba ra, pana man ra aisabia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 43:20

Daiwan wail kraskira nani unta ra ba yamni ai kulkbia, suksuk tara tnawira pâlras tara ba luhpia nani ba sin, kan upla iwras tasbaya ba wina lî aubra yâri bal takisa, tasba biarapara wina awala aubisa, yabrika upliki bâk sakri ba lî dakakaia.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 48:21

Upla iwras tasbaya bâk witin nani ba brih wan kan, bara lî din daukras kan; witin nani ai dukiara walpa wina lî yan plapan; walpa ba kwâkan, lî nani ba laiwan.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Aiseya 65:13

Baha mita, Dawan ba naku aisin: “Kaiks yang duki dadaukra bri kabia ai pata piaia, sakuna man nani lika plun wauhma; witin nani bri kabia dîa diaia, sakuna man nani lika diran mai dauki kabia; witin nani ai lilia takbia, sakuna man nani lika swira lâka ra takaskma.

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 31:25

Bara plun pin kabia, diara din kabia aibanhwan praiska swapan nani ba bara karnikas ba sin.”

Inanka Nani 4:4

Tiala di tuktika nani twisa ba ai darkaya kat alkisa, lî diran dauki ba mita; tuktan nani plun makabisa, kuna upla kumi sin witin nani ra yaras sa.

Isikiel 47:8

Ba ningkara ai win: “Naha laya na lalma tasbaya tani ra aubisa ban Jordan awala kat, bara baha wina Kabu Pruan kat wabia. Bara baha laya ba auya kat kabu laya ba damni takisa.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Luk 16:24

Bamna witin winan: ‘Aisiki Ebraham, yang ra umpira lukram, bara Lasarus ba blîks ai mihta tâ ba lî buski muni bal twisi tâ na pan buski kauhla daukbia, kan yang na naha pauta ra kasak pât wahwisni.’

2 Korint 12:9

kuna Dawan ai win: “Yang latwanki lâka sika man want sma ba; yang karniki ba kau pain param marikisni upla ba swapni ba ra.” Baha mita uya lilia sna swapnikira sna bamna, bara baku mika Kraist karnika ba yang ra param marikan kabia.

Param Marikanka 21:6

Baha ningkara ai win: “Pat daukan sa. Yang sika A ba bara Y ba. Ya diran dauki ba, yang raya kaia laya kârma ba wina yârika dibia, baha ba mana âpu pri pali.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.