Aiseya 40:4 - DAWAN BÎLA AISKA

⁴ Il bîla bani ba lalauban kabia, il nani, kiuhsi nani ba sin sut mâyara ikan kabia; bara warha ba wapni takbia, pruamni nani ba sin langni takbia.

Aiseya 40:4 ပူးပေါင်းရင်းမြစ်များ

Sins Lâka 2:15

baha nani yabal warha ra tauki ba bara ai yabalka wapni ba wina tnaya ra tawan ba.

Aiseya 40:3

Bîla baikra kum winisa: “Man nani bui Dawan yabalka ba ridi dauks upla iwras tasbaya ra, Gâd yabalka tara ba wapni dauks, wapanka kum wapni biarapara pliska kum ra.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 42:11

Upla iwras tasbaya nani tawanka tara nani sin, man nani lilia bas, Quedar kiamka nani sin. Selá ra iwi uplika nani sin lilia mita aiwans, il nani bahna wina bîlam baikra binka tara dauks.

Aiseya 45:2

“Yang lika man kainamra wamni, kutban purara ba batakamna, bras durka nani ba krikamni, ayan ni kutbanka nani ba kriki yuya man daukamni.

Aiseya 49:11

Bara yang ilki nani ba tilak yabal kum daukamni, yabalki tara nani ba sin langni daukan kabia.”

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Isikiel 17:24

Bara dus nani sut ai dahra walbia, yang sika Dawan sna ba. Yang ba dus kwakwalhra ra batakisna bara dus sirpi ba yabri pâwisa. Yang dus kura ba yâri lâwisa, bara yabri dus lâwan ba kli sangni takisa. Yang, Dawan, baku wisni bara daukisna.’ ”

Isikiel 21:26

Yang Dawan sna ba, naku wisni: King kwalka ba mihtam dakbia, king kraunka ba drusbi mihtam wina sâkbia, bara diara sut ba aihka kabia. ¡Il tara ba tâ pali ra ulbia, twi langni ra ba, bara il tâura pali nani ba tasba ra kauhbia!

Sakaraya 4:7

Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Luk 3:5

Albangka nani sut yakabi prakan kabia, il tara nani bara il sirpi nani ba sut langni daukan kabia, yabal warha nani ba sut wapni daukan kabia, yabal prumhni bri bani ba sin kriki langni daukan kabia;

1 Samuil 2:8

Gâd ba umpira nani ra alki tasba wina bukisa, makakabra umpira nani ba dipasta wina sin, witin nani ra yabisa, wihta tara nani wal iwaia, upla tara kulkan nani ba tilara iwaika ra yan iwisa. Kan Dawan ba sika tasba playka nani bapan ba dawanka, bara baha nani purara sika tasba na mangkan sa.