Aiseya 40:24 - DAWAN BÎLA AISKA

²⁴ Witin nani ba tasba ra mangkras kan baku kabia, witin nani sin mâ nani ba mangkras kan baku, ai plamaika ba sin ai wakia nani ba tasba ra briras kan baku; pâsa kum witin nanik aihni krawi luan bara pat lâwisa, bara prari bal brih auya dus wahia lâwan kum baku.

Aiseya 40:24 ပူးပေါင်းရင်းမြစ်များ

2 Samuil 22:16

Wan Dawan bui upla ra lawi daukan, ai wingka puhbra karna puhban ba mita, kabu tihuka ba purara param bal takan, tasba tnata playka bapanka nani ba sut nakra ra param bal takan.

2 King Nani 10:11

Ningkara Jehú bui Ahab pamalika kau takaskan nani ba sut pali iki tikan Jezreel ra, baku sin ai wihtka tara nani ba, taika nani ba, witin uplika latwankira nani kan ba, bara prîs nani bri kan ba sin sut sin ikan, upla kumi sin raya swiras.

Job 21:18

¿Ahkia twi baku yakabrira daukata, pâsa ai karnika raski brih tauki ba baku?

Job 4:9

Dawan ai lawanka ba witin nani purara pâsa baku puhbisa, bara sut sauhki tikisa.

Job 8:17

Ai wakia nani ba walpa taya purara aiblakwisa, bara ban walpa nani ra prak prawisa.

Lawana Nani 58:9

Kiaya dusa nani aswi lap tiwi ba baku kabia, bara ai lawanka karna ba wal, twi kura sangni daiki saki baku daikbia.

Lawana Nani 83:13

Dawanki, yas kiaya baku aikarwi kaia, dus wahia lâwan pâsa mita raski brih auya ba baku;

Sins Lâka 1:27

man nani puramra sirang bara pât nani balbia ba ra, swapni taki bara kupiam wirha baman kama, sim pâsa tara kum baku diara nani sut ba sauhki tiki ba!

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 17:11

Baha yua dîa sut mangkram ba, sut pâwbia, titan ra witin nani ai mâ sâkbia; sakuna sikniska kli rakaia apia ba balbia piua ra pata mâ nani ba sut tiwbia.

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 37:7

Kaiks yang mita witin ra sturi binka daukamni, bara witin nani naha sturi binka ba walbia, baku sin ai tasbaya ra kli tawi wabia bara baku yabrika ai tasbaya ra prubia, upla mita ikbia.’ ”

Aiseya 40:7

Twi ba lâwisa, ai tangnika ba sin srawisa, Dawan wingka puhbra ba witin ai purak lui ba ra. Kasak pali upla ba twi baku sa.

Aiseya 41:16

Witin nani ba pâsa ra bukma, bara pâsa mita witin nani ba brih wabia, prari mita tanis yakabia. Bara man Dawan ra lilia kama, Israel Gâdka Holikira ba dukiara tara damra wali kama.

Aiseya 41:2

¿Ya mita lalma tanik yaban bal takan baha kingka piu bani ra pura lui ba? ¿Ya mita nisan nani ba yaban, bara king nani ba yan bawisa, baha ai sordka bara ai pantamangkaika ba inma wahia baku akbi tikamna bara sin baiki sakamna?

Jirimaya 22:30

Dawan aisisa: “Man nani naha waitnika na ulbi swis waitna kum luhpias kan baku, upla kum ai rayaka ra diara daukras kan baku. Kan ai kiamka nani kumi sin Debit kiamka iwaika ra iwbia apia Juda ra kli king aimaki kaia.”

Jirimaya 23:19

Dawan kupia baiwanka ba pâsa karna krawi baku sa, prari payaska kum krawi ba baku sa bara watawikira nani purara wauhisa.

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Oseas 13:3

Baha mita, witin nani titan mukuska baku kabia, lalma kahbi diwaska laya baku sin, titan pali pat lap tiwi ba, rais kapan taya pâsa brih pâli ba baku, kiasma kubus wina taki ba baku sin.

Nahum 1:14

Ninibi kingka, man dukiamra Dawan naku daukaia aisin: “Man kiamkam wala nani, tasba ra raya swin kabia apia ninam ba brih waia; gâdkam tempelka watla sut sauhki tikamna, aidul nani ba bara dawankam lilka bahki nani ba tilara mai bikamna, kan man ra saura mai kulkan ba mita.”

Hageo 1:9

Man nani diara ailal briaia plikisma, sakuna wiria lupia man sakisma; dîa wamtla ra suni brisma ba, baha sin yang bal puhbanki kumi ni sakisni. ¿Dîa muni? Kan yang waitla slingban ba, paskras ban aisawan ra ba mita; man nani wamtla mâki briaia dukiara baman trabil takisma. Yang, Dawan, kasak aisisna.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Sakaraya 9:14

Dawan bal ai uplika nani purara latan takbia; imyula lipi baku ai trisbaika nani lulkbia. Dawan, Gâd, trumpit ba puhbia, waupasa payaska karna krawi nani ba tilara wapi balbia.