Aiseya 40:18 - DAWAN BÎLA AISKA

¹⁸ ¿Bamna Gâd lilka ba, man nani bui ya lilka talia daukma? ¿Apia kaka, man nani dîa lilka witin ai talia ba lilka ba wal prakma?

Aiseya 40:18 ပူးပေါင်းရင်းမြစ်များ

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Lawana Nani 113:5

Yawan wan Dawanka ba wal sip prakras, witin king aimakisa laih pura pali ra;

Lawana Nani 89:6

Dawan, man wal mai prakaia gâdka kumi sin âpu sa, tasba ra kasbrika purara sin âpu.

Lawana Nani 89:7

Dawan tara bara sibrinkira kasbrika purara ba insalka nani, kutbi kir mai bri ba.

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 20:4

“Aidul nani kumi sin dauki bripara, diara nani kasbrika purara bâra ba lilka sin apia, diara nani tasba ra bâra ba lilka, diara nani kabu ra bâra ba, baku sin kabu mununhtara bâra nani ba lilka sin apia.

Impakan Sturka 8:10

King fero aisi, win: —Yauhka pali puri suns. Bara Moses bila pana win: —Yang baku daukamna, bara man kaikma Dawan wala âpu sa, yang nani Dawanki Gâd ba baku.

Impakan Sturka 9:14

Naha piua ra klala blikaisna man mampara, uplikam tara nani, bara uplikam nani sut mapara sin; bara man kaikma tasba aiska ra yang baku wala âpu ba.

Aiseya 40:25

Holikira Gâdka ba makabi walisa: “¿Man nani bui yang na dîa wal tailia ai daukaia plikisma? ¿Apia kaka, dîa wal baku ai praki ai kaikaisma ki?”

Aiseya 44:6

Dawan, Israel kingka witin ra swaki saki ba, Dawan karnika sut bri ba, witin aisisa: “Yang sika diara sut tâura sna, ningkara sin yang bâra sna ba. Yang tnaiya ra Gâd wala âpu sa.

Aiseya 46:5

“¿Man nani bui yang na ya wal praki ai kaikaia sma? ¿Bara yang na ya wal tailia pali kamna ki?

Aiseya 46:9

man nani kupiam krauki bas, blasi pali piua wina pat taki lui wan ba. Yang sika Gâd, bara wala kumi sin âpu sa; yang sika Gâd, yang wal baku wala âpu.

Jirimaya 10:1

Israel luhpia nani, Dawan bui man nani ra mai smalki na wals.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 10:6

Dawan, man wal baku upla wala âpu sa: man sika karnika tara pali brisma, ninam ba tara pali kulkisa, karnika tara pali brisma.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?

Kli Smalkanka 33:26

“Jesurún Gâdka ba wala wal prakaia âpu sa, ai prana ba wal kasbrika purara kasbrika nani ba ra ulisa, man hilpkam ra balaia dukiara.

Kli Smalkanka 4:15

“Horeb ilka ra Dawan pauta klauhan lilapas wina man nani wal aisin piua ra, lilka kumi sin man nani kaikras kapram. Bamna aman kaiks,

Kolosi 1:15

Wan nakra ni sip kaikras Gâdka ba ai Luhpia bâk yawan ra param takan, kan Kraist lika paskanka nani sut ba tawahkia sa.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!