Aiseya 39:8 - DAWAN BÎLA AISKA

⁸ Bara Ezequías mita Aiseya ra win: —Dawan bîla man aisaram ba kasak pali sa. Ba ningkara win: “Yang yui nani ra kupia kumi sibrin luha pan lika bâra kabia.”

Aiseya 39:8 ပူးပေါင်းရင်းမြစ်များ

2 Samuil 15:26

Sakuna witin bui yang ra yamni ai kaikras sa wibia kaka, nâra ai brisa, ai kupia lâka ba kat yang ra daukaia, witin yamni luki ba kat.

2 Kronikas 32:26

Ban sakuna, Ezequías ba ai kulkanka ba tilara Dawan ra bawan, bara Jerusalem uplika nani sin baku daukan, bara Ezequías kau raya kan yua nani ra lika Dawan ai lawanka ba blikras kan witin nani purara.

2 Kronikas 34:28

Yang mai swirka kupia kumi lâka ra pruma bara damikam nani wal prawma, sauhki tikan lâka naha tawanka purara bri aulna ba bara nahara iwi uplika nani ra sin, man baha wal prawma apia.’ King blikan uplika nani ba mahka tawi balan bîla win ba wih wiaia.

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Lawana Nani 39:9

“Yang bîlas baku, diara aisaras kapri kan, man sut daukisma bamna.

Inanka Nani 3:22

Dawan latwanka ba ban kaia ra bâra sa, ai kupia yamnika nani ba sip danh takras.

Inanka Nani 3:39

Upla ba saura dadaukra kum sa, ¿bamna dîa dukiara brukwi aisisa?

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Sakaraya 8:16

Naha sika man nani piu bani dauki kaia sma: Piu bani pana pana sturi kasak ba aisi kama, lâ daukaia watla nani ra kupia kumi lâka bukaia dukiara, lâ aisi dauki bas;

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

1 Pita 5:6

Bamna, Gâd mihta karnikira ba munhtara bawikira nani bas, bara baku witin mita piua kat mai bukbia.

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!