Aiseya 38:19 - DAWAN BÎLA AISKA

¹⁹ Witinka nani raya ba, baha nani baman, Dawan, mayunra maikbia, naiwa yang daukisna ba baku. Aisika nani ba ai luhpia nani ra naha kasakka tânka na param marikan kabia.

Aiseya 38:19 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Lawana Nani 118:17

¡Baha mita pruamna apia, sakuna ban raya kamna Dawan dîa daukan ba upla ra wiaia!

Lawana Nani 119:175

Mamyunaia dukiara, raya iwi kaia ba brinki sa; man kasakkam lâka ba hilp ai munisa.

Lawana Nani 145:4

Aisa wina luhpia nani ba kat, man warkkam nani daukram ba mamyunan kabia, man daukankam karnakira nani ba dahra aisi kabia.

Lawana Nani 146:2

Yang Dawan ra mayunamni, yang raya sna ba yua nani ra; Dawanki ra lawana aiwanamna yang kau raya sna ba piua ra.

Impakan Sturka 10:2

Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Joel 1:3

Naha pâtka tara takan sturka na, luhpiam nani ra aisi smalks; bara witin nani sin ai luhpia nani ra sturka na wibia, bara baha luhpia nani mita sin ai kiamka nani ra aisi kabia.

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.

Kli Smalkanka 11:19

Baha nani dukiara luhpiam nani ra aisi smalki bas, wamtla ra kama, yabal ra kama sin, bara aitnikisma piua ra, krikrikam wina kli buisma piua ra sin.

Kli Smalkanka 4:10

“Man nani Horeb ilka ra, Dawan Gâd lamara kapram ba piua ra, Dawan bui ai win: ‘Upla nani ba asla dauks bara yang bîli aisari ba wali, yang ra maiyuni kaia lan takbia, ai yua nani sut ra; ai luhpia nani ra sin smalkbia baha dauki kaia ba.’

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 6:7

bara luhpiam nani ra ban smalki bas, wamtla ra kama, yabal ra kama sin baha dukiara aisi bas, aitnikisma piua ra, krikrikam wina kli buisma piua ra sin.