Aiseya 38:14 - DAWAN BÎLA AISKA

¹⁴ Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Aiseya 38:14 ပူးပေါင်းရင်းမြစ်များ

Job 17:3

Sakuna, Dawan, man lika tâiwan aisaia sip sma; ¿ya wala kabia, man apia sma kaka?

Job 30:29

Yang na yul wail nani muihnika baku takisna, sip pâlras tara ba uplika sin.

Lawana Nani 119:82

Man bîlam ba dukiara, naikra nani ba sip apia takisa, bara wisni: “¿Ahkia balma maisa nihkra aikaia?”

Lawana Nani 143:7

Dawan, ¡pat ai aisas, kan yang pat pruisna bamna! Man hilp ai munras kapara, kan upla pruan baku kamna.

Lawana Nani 55:2

Yang ra wali bara pana ai aisas; trabilki tila wina mamkabisna. Waihli bîla baikra ba mita ai tatatbisa, watawikira nani winanka ba mita sin. Sari lâka ni wirha ai taiban sa; praut pali taki yang ra aisisa.

Lawana Nani 69:3

Yang pat kâirma prawan winan baman, bara kâirma ba latwan sa; ¡baha mita naikra nani ba sin swapan sa Gâd ra bîla kaikan man!

Aiseya 59:11

Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Inanka Nani 4:17

Wan nakra nani swapisa, kau tâ baikanka sip balbia apia ya bîla kaiki ba wina; yawan aihwaki ban bîla kaikisa, nisan kum swaki sakaia sip apia ba aula dukiara.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Nahum 2:7

Kwin mairin ba alki priski, alba lâka ra brih auya, bara albika mairin nani witin wal brih auya, baha nani butkuka lawi baku ai mamna lulki, ai lama pruki inisa.

Nahum 2:8

Lî watla tara baiwan wina lî karna plapi ba baku, Ninibi uplika nani ba taki plapi kan. “¡Takaski banhs! ¡Kli tawi bal!” upla bui wini kan, sakuna kumi sin tawi balras kata.

Hibru Nani 7:22

Baha mita, Jisas bui sika lâ daukan wala kum dauki raitka yabi ba.