Aiseya 37:37 - DAWAN BÎLA AISKA

³⁷ Bara Senaquerib, Asiria kingka ba kli tawi mahka wan Ninibi ra, bahara sika witin takaskan.

Aiseya 37:37 ပူးပေါင်းရင်းမြစ်များ

2 King Nani 19:1

Naha sturka ba king Ezequías walan ba ra ai prâka ba kalkan, ningkara prâk umpira diman sari ba tânka bara Dawan watla ra wan.

2 Kronikas 32:1

Naha diara nani dauki luan ba bara witin kasak lukan warkka marikan ba ningkara, Senaquerib, Asiria kingka ba wan, Juda mapara aiklabaia buan, bara tawan karnika kaina kutban nani aiska ba kutbi brin, witin mita pura lui briaia dukiara.

Aiseya 31:8

Bâra mika Asiria nani ba sord ni batakan kabia, sakuna upla karnika ni lika apia. War ba mita munka ai uplika nani plapbia, bara ai wahmika nani bara tiara nani ba alba bribia.

Aiseya 31:9

Sibrin mita ai kingka ba taki plapbia bara ai watla karnakira nani ba swih plapbia war aiklaklabra wihtka tara nani ba sin, sibrin tara mita ai plakinka nani ba swih plapbia. Dawan ba naku wisa, witin lika upla angkaia pata klauhanka ba Saion ra ridi brisa, diara angkaika ba sin Jerusalem ra, ai waihla nani ba klala yaia ridi brisa.

Aiseya 33:19

Baha tawanka uplika nani ai uplika nani kulkras ba kli kaikma apia, uplika nani bîla aisi ba wali tânka briaia karna ba, twisa warbi aisi bîla nani upla ba tânka sip briras ba.

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Aiseya 37:7

Kaiks yang mita witin ra sturi binka daukamni, bara witin nani naha sturi binka ba walbia, baku sin ai tasbaya ra kli tawi wabia bara baku yabrika ai tasbaya ra prubia, upla mita ikbia.’ ”

Jona 1:2

“Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”

Jona 3:3

Jona buan bara mahka Ninibi ra wan, bara witin dîa daukaia Dawan win ba kat daukan. Ninibi sika tawan tara pali kan, tawan aiska ra waia kaka yu yumhpa wapaia kan. Tawan ra dimi yu kum wapan bara ai bîla baikra tara wini aisin: “¡Yu yawanaiska wâl bilka ra, Ninibi tawanka na sauhki tikan kabia!”

Jona 4:11

Bamna yang kau pali Ninibi dukiara kupi swapni takaia sa, baha tawanka tara ra 120,000 upla nani tuktan baku ai tânka briras banhwi ba bâra sa, daiwan sin ailal pali sa.

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Nahum 1:1

Nahum, Elcós tawanka wina ba, Gâd bui witin ra param taki dahra aisanka wauhkataya yan ba. Naha bîla nani sika Ninibi tawanka ra aisaia blikan ba:

Sofonías 2:13

Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.

Matiu 12:41

Ninibi tawanka ra iwan uplika nani ba lâ daukaia yua ra, naha piua uplika nani lâka daukbia ba ra, witin nani mita naha uplika nani ra pât ra lakbia, kan Jona mita Gâd sturka Ninibi uplika nani ra smalkan bamna, witin nani ai kupia lakan; sakuna man nani ra mai wisna, nahara diara kum sa Jona purkara kau tara ba.