Aiseya 37:36 - DAWAN BÎLA AISKA

³⁶ Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 37:36 ပူးပေါင်းရင်းမြစ်များ

2 Samuil 24:16

Insal ba bui Jerusalem ba âpu pali daukaia takan bara Dawan kupia wirha takan, witin insal ra adar yan baku, rausauhkanka tara daukan ba, bamna insal ra win: “¡Aitani, baha kat takasks, tawan ba kau klala yapara!” Dawan insalka ba, Arauna, Jebús uplika nani wi ba, plawar mâ taya sakaika watla ba kat bâra kan.

2 King Nani 19:35

Bara baha sim tihmika, Dawan insalka ba taki wan Asiria nani kiampka ra, bara upla nani 185,000 ikan, bara titan ra bûi banhwan ba ra sut pali ba pruan atia kan.

1 Kronikas 21:12

mani yumhpa plun tiwan kabia ba, kati yumhpa waihlam nani puram lui kabia ba ninam bliki, apia kaka yu yumhpa siknis saura tawankam purara balbia ba Dawan wina, bara Gâd insalka bui Israel uplika tasbaya aiska sauhkan kabia ba. Bara nanara luki kaiks yang ai blikan baha maisam pakaia.

1 Kronikas 21:16

Debit ai nakra purara bukan ba ra, kaikan Gâd insalka ba kasbrika purara tasba ra wâl lila kat bûi kan, ai sordka ba ai mihta ra buki, Jerusalem pura kat mangki bri kan. Bamna Debit almuk nani aikuki, ai prâka almuk nani dimi ai lal tasba kat makupan.

Job 24:24

Upla saurakira ba piua prahni lupia baman dukiara purara bukan sa, baha ningkara pat pali âpu takisa, srawi luisa twi daikan srawi ba baku, rais kiama lap tiwi ba baku.

Job 34:20

Upla nani ba wan dahra walras kan pat pruisa tihmia tilara; upla nani bin tara dauki si lap tiwisa, upla ba karnika âpu baku daukisa, rayaka ba sakisa.

Impakan Sturka 12:23

Baha tihmia, Dawan Idsip uplika nani ba ikaia bahak bal lui wabia. Sakuna tala ba dur playka nani ra yukan ba kaikbia ba ra, watla ba tnaya walak lui wabia. Baku witin mita sauhki tatikra insalka ba swika wamtla ra dimbia apia.

Impakan Sturka 12:30

King fero, ai uplika tara nani bara Idsip uplika nani sut watla bilara, witin nani tihmia yapi si buan ba ra, sari lâka bara inanka tara pali baman kan, Idsip aiska ra. Utla bîla kumi sin, upla pruras watla ba âpu kan, witin nani ai tilara.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 10:25

Sakuna naha wina pat pali kau piua wihka waras ba ra, klala nani ba brih balan kabia, kupi baiwanka bara lawanki ba mita, witin nani ba sauhki tikan kabia.

Aiseya 10:26

Dawan, karnika sut ba mita witin nani ra klala yabia Oreb ra walpa tara bara Madián uplika nani ra bataki pura luan ba baku, Asiria mapara ai karnika ba marikbia. Idsip ra ai karnika marikan ba baku.

Aiseya 27:7

Israel tataibra nani ra, Gâd mita klala yan ba baku Israel ra lika klala yaras, Israel ra ikan nani ra ikan ba baku sin witin bui Israel ra lika ikras.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Aiseya 31:8

Bâra mika Asiria nani ba sord ni batakan kabia, sakuna upla karnika ni lika apia. War ba mita munka ai uplika nani plapbia, bara ai wahmika nani bara tiara nani ba alba bribia.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Nahum 1:12

Baha mita, Dawan bui ai uplika nani ra naku aisin: “Asiria uplika nani ba ailal, karnika tara pali bri kabia sin, sauhki tikan kabia bara lui wabia. Sakuna kau maikrika pât wahwi kama apia.

Nahum 3:3

¡Aras karna nani diara ailal brih auya ba! ¡Sord lipi ingnika saki ba! ¡Langsa pauta klauhi baku ingnika buki ba! ¡Insauhkan nani tausin ailal pali bâra ba, pruan nani ailal pali ba! ¡Upla pruan wîna tara nani sip kulki sakras! ¡Upla ba ai mina prukisa witin nani ra!

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.