Aiseya 37:32 - DAWAN BÎLA AISKA

³² Kan Jerusalem ra takaskan yaba sin takbia, bara Saion ilka ra sin pruras swakwan nani ba bâra kabia. Naha ba Dawan karnika sut pali bri ba latwanka lâka ba mita daukbia.

Aiseya 37:32 ပူးပေါင်းရင်းမြစ်များ

2 King Nani 19:31

Kan upla nani tila ba Jerusalem ra takaskan kabia, bara Saion ilka ra sin pruras swakwan nani ba bâra kabia. Naha ba Dawan karnika latwanka lâka ba mita daukbia.

Aiseya 10:20

Baha yua ra nani ra Israel ra upla wiria man takaskan kabia nani ba, Jekob watla uplika nani kau raya kabia ba, witin nani ra rausauhkan nani bara kli aikuki ai tâ baikbia apia, sakuna kasak pali sika, Dawan Israel Gâdka Holikira ra ai tâ baikbia.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 37:20

Bamna yang nani ra, Dawan wan Gâdka, nanara swaki wan sâks karnikam ba ni, witin nani mihta ba wina mamkabisna, bara king tasbaya nani kaikbia man baman Dawan Gâd sma ba.”

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 42:13

Dawan bal takbia pura lalura tara baku, bara war aiklaklabra lapta baku, aiklabia ai bîla baikra tara ni, ai waihla nani pura lubia, karna takbia sin.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Joel 2:18

Baha daukan ba kat, Dawan ai tasbaya dukiara latwan kaiki ba marikan; ai uplika nani dukiara ai kupia swapni taki ba tânka sin marikan,

Sakaraya 1:14

bara baha ningkara witin ai win, yang naha bîla naku aisamna: “Karnika sut bri ba Dawanka ba, naku aisisa: ‘Yang lika Jerusalem ra latwan pali kaikisni, Saion ilka ra sin.