Aiseya 35:7 - DAWAN BÎLA AISKA

⁷ Upla iwras tasbaya ba lî madakura nani takbia, tasba lâwan pali ba sin, lî kârma nani man takbia. Yul wail nani watla, yukuwaika ba, yauhrus nani bara snati nani pâwbia.

Aiseya 35:7 ပူးပေါင်းရင်းမြစ်များ

Lawana Nani 107:35

upla iwras tasbaya ba, lakun nani daukisa tasba lâwan ba wina lî kârma nani sakisa;

Aiseya 13:22

King watla nani ra, daiwan pruan papira daiwra nani dimi yul swi kabia, ai lilia briaika watla nani ra yul talika daiwra nani man kabia; ai piua nani alkaia pat baila takisa, ai yua nani ba kau yari daukan kabia apia.”

Aiseya 19:6

Awala nani ba sin lâwi bisbaya takbia, lî kârma nani ba sin lâwi danh âpu takbia; yauhrus nani, klisang nani ba sut srawbia.

Aiseya 29:17

Nanara wina kau wihka apia bara unta tara nani pâwan ba saumuk mangkaia tasbaya daukan kabia bara saumuk mangkaia tasbaya nani ba sin unta tara nani pâwbia.

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Aiseya 34:13

Kingka watla nani ra kiaya pâwbia, wahia kiaikira dusa nani sin pâwbia ai kan kahbaika pliska nani ra; bara yul wail nani iwaika watla kabia, bara daiwan pâlras tara nani luhpia watla latka kabia.

Aiseya 41:18

Il nani purara upla iwras tasbaya ba awala nani daukamna; upla iwras tasbaya ra ba drapapa tasbaya daukamna, tasba lâwan ba ra tingni nani daukamna, yabrika lî aubra bal takbia tasba lâwan wina.

Aiseya 43:20

Daiwan wail kraskira nani unta ra ba yamni ai kulkbia, suksuk tara tnawira pâlras tara ba luhpia nani ba sin, kan upla iwras tasbaya ba wina lî aubra yâri bal takisa, tasba biarapara wina awala aubisa, yabrika upliki bâk sakri ba lî dakakaia.

Aiseya 48:21

Upla iwras tasbaya bâk witin nani ba brih wan kan, bara lî din daukras kan; witin nani ai dukiara walpa wina lî yan plapan; walpa ba kwâkan, lî nani ba laiwan.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Isikiel 47:8

Ba ningkara ai win: “Naha laya na lalma tasbaya tani ra aubisa ban Jordan awala kat, bara baha wina Kabu Pruan kat wabia. Bara baha laya ba auya kat kabu laya ba damni takisa.

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Luk 13:29

Kan upla nani balbia lalma wina, muna wina, yahbra wina bara waupasa wina sin, Gâd king aimaki tasbaya ra iwi plun piaia dukiara.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.

Wihta Nani 6:38

Witin Dawan ra dîa makaban ba baku, takan. Gedeón yapi si titan buan ba ra, sîp taya ba bri suban bara baha wina diwas laya kahmi kum prais sakan.