Aiseya 35:6 - DAWAN BÎLA AISKA

⁶ bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Aiseya 35:6 ပူးပေါင်းရင်းမြစ်များ

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Lawana Nani 107:35

upla iwras tasbaya ba, lakun nani daukisa tasba lâwan ba wina lî kârma nani sakisa;

Lawana Nani 46:4

Awala kum ba Dawan tawanka ba lilia daukisa baha Laih Purara iwi tawanka kau sunukira ba.

Lawana Nani 51:15

Dawan, yang uni nani ba ilingks; bara uni nani wal mamyunra lawana nani aiwanamna.

Impakan Sturka 17:6

Yang Horeb ilka ra bîlam kaiki kamna, walpa tara kum purara, man walpa ba ra prukma ba ra, lî baha wina bal takbia upla nani ba diaia. Bara Moses baku daukan upla almuk nani mawanra.

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 32:4

witin nani ai sringka kira diara daukbia apia, sakuna sins lâka ra aisi daukbia, aisi ba twisa ba param ingni aisabia.

Aiseya 35:1

Upla iwras tasbaya ba, lilia taks, tasba lâwan nani yakan swin kan ba lilia takbia, lapta tasbaya ba sin lilia bribia, tangni baku tangnika baiwbia.

Aiseya 42:11

Upla iwras tasbaya nani tawanka tara nani sin, man nani lilia bas, Quedar kiamka nani sin. Selá ra iwi uplika nani sin lilia mita aiwans, il nani bahna wina bîlam baikra binka tara dauks.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 48:21

Upla iwras tasbaya bâk witin nani ba brih wan kan, bara lî din daukras kan; witin nani ai dukiara walpa wina lî yan plapan; walpa ba kwâkan, lî nani ba laiwan.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Sakaraya 14:8

Baha ningkara Jerusalem wina lî kauhla taki kabia bara aubi kabia lî piua ra, mani piua ra sin, bakriki ba Kabu Pauni ra aubi kabia bara bakriki wala ba muna kabuka tara ra aubi kabia.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Kulki Kaikanka 20:11

Naku aisin ba ningkara, Moses ai mihta bukan bara kîn ba ni walpa ra aima wâl prukan, bara lî ailal takan. Baku upla nani ba ai daiwra nani aikuki lî din.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 12:22

Bara Jisas ra waitna kum bri balan, witin ba blain bara sturi sin aisaras, pirit saura kum bri kan ba mita. Jisas mita rakan, bara waitna ba diara kaikaia bara aisaia sin sip kan.

Matiu 21:14

Bara tempel ra blain nani kum kum bara skahwa nani sin Jisas lamara balan, bara witin mita sut rakan.

Luk 1:64

Bamna baha sim piua ra, Sakaraya lika sturi aisan bara Gâd ra sin mahka mayunan.

Luk 11:14

Jisas mita pirit saura kum, waitna kum ra sturi aisaras bîlas dauki bri kan ba wina kangbi saki kan, bara pirit saura ba takan ba ra, bîlas kata ba mahka sturi aisin. Naha dukiara upla nani tâ iwan takan.

Apastil Nani Sturka 3:2

Yu bani tempel durka Painkira wi ba lamara, waitna kumi aisubi takan wina skahwa kan ba, bri sal iki swin kan, upla nani dimi auya nani ra lalah hilpka makabia dukiara.

Apastil Nani Sturka 8:7

Upla ailal pirit tâski bri kan ba rakan kan. Pirit tâski nani ba ai bîla baikra karna wini kira upla nani wina taki kan. Bara wakia lâwan nani bara skahwa nani sin rakan.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.