Aiseya 35:1 - DAWAN BÎLA AISKA

¹ Upla iwras tasbaya ba, lilia taks, tasba lâwan nani yakan swin kan ba lilia takbia, lapta tasbaya ba sin lilia bribia, tangni baku tangnika baiwbia.

Aiseya 35:1 ပူးပေါင်းရင်းမြစ်များ

Lawana Nani 48:11

¡Saion ilka lilia dauks! ¡Juda tawanka nani lilia pâli puli banhs, man dîa daukaia lukram ba kat daukisma bamna!

Lawana Nani 96:12

¡Twi bara dîa dîa ai bilara bri ba sut! ¡Dus tara nani, unta biara nani ba sut lilia wini kabia;

Lawana Nani 97:8

Man Dawan, Saion bara Juda tawanka uplika nani ba man lâmka bîla nani ba dukiara lilia sa;

Yamni Kulki Lawana 2:1

Yang sna Sarón twiya bîla tangnika nani, il bîla langnika nani tangnika sna.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 27:10

Tawan tara karnakira nani ba bîla man swin kabia, utla kum upla dimras watla ba baku, upla âpu baku bîla man kabia. Bîp lupia nani ba bahara twi pi kabia, bahara bawi wakabi kabia, tnawa nani ba sin sut kriki âpu daukbia.

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 29:17

Nanara wina kau wihka apia bara unta tara nani pâwan ba saumuk mangkaia tasbaya daukan kabia bara saumuk mangkaia tasbaya nani ba sin unta tara nani pâwbia.

Aiseya 35:6

bâra mika skahwa nani ba sula srutwi pâli baku srutwi kabia, bara baha nani sturi aisaras twisa nani ba sin ai pura winbia. Upla iwras tasbaya, tasba lâwan wina lî kârma nani sin takbia.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 40:3

Bîla baikra kum winisa: “Man nani bui Dawan yabalka ba ridi dauks upla iwras tasbaya ra, Gâd yabalka tara ba wapni dauks, wapanka kum wapni biarapara pliska kum ra.

Aiseya 42:11

Upla iwras tasbaya nani tawanka tara nani sin, man nani lilia bas, Quedar kiamka nani sin. Selá ra iwi uplika nani sin lilia mita aiwans, il nani bahna wina bîlam baikra binka tara dauks.

Aiseya 43:19

Yang diara raya kum daukisna, man kaikma baha naha minitka ra bal takbia. Upla iwras tasbaya ra yabal kum daukaisna bara awala nani diara pâwras tasbaya ra.

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Aiseya 7:21

Naha piua ra, ya bîp mairin kum bara sîp mairin wâl pakbia kaka,

Isikiel 36:35

Bara wibia: Naha tasbaya, upla iwras tasbaya takan ba, nanara lika Eden giadinka baku takan sa; tawan nani sauhki tikan kan ba, diara âpu pali sauhki tikanka tara ra swin kan ba, nanara lika kan kahbaika pliska nani takan, bara upla nani bâra iwisa.