Aiseya 34:2 - DAWAN BÎLA AISKA

² Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Aiseya 34:2 ပူးပေါင်းရင်းမြစ်များ

Lawana Nani 2:5

baha wina witin ai kupia sauhki, witin nani ra sirang ikisa; lawanka tara wal, naku wisa:

Impakan Sturka 8:14

Bara upla nani mita pikpik pruan nani ba, wahbi il baku paskan, Idsip tasbaya aiska ba bisbaya pali takan.

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 13:5

Kuntri kum laih pali ra bâra ba wina aula, baila wala tani ba wina sin. Dawan ai kupia baiwanka aiklabaika dukia nani ba wal, tasba aiska ba sauhki tikaia aula.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 63:6

Bara yang kupi baiwanka ni upla nani ba mini ra taibri, witin nani ba yang lawanki ni sauhki tikri, bara ai tâlia ba tasba ra laikri, yabal ra sin yâri laiwi kan.

Aiseya 65:12

Diara saura man nani bîlam kaikisa: Man nani sord ra pruaia mai daukamna. Kan yang mai winri, sakuna man nani pana yang ra aisaras kapram bamna; man nani ra aisari, bara man nani ai walras kapram; yang aitani kulkras sna ba man nani daukram, yang laik apia sna ba man nani bâk saki briram.”

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Aiseya 66:16

Âu, Dawan ba pauta klauhan ni lâ kasak daukaisa, sordka ba ni tasba aiska lâka aisi daukbia; upla manis sin yaka prubia.

Jirimaya 25:31

Binka tara ba tasba aiska kir ra auya, kan Dawan nisan nani mapara diara daukuya ba kahbi auya pruikira nani ba sut lâ ra paiwaia, watawikira nani pruaia pâtka ra lakaia. Dawan baku kasak aisisa.’ ”

Jirimaya 25:32

Dawan, karnika sut bri ba, aisisa: “Sauhkaia klalka ba nisan kum ra alkbia, kli wala ra alkbia; pâsa saura karna kum tasba kir wina krawbia.”

Jirimaya 25:33

Dawan mita daukbia baha yua ra upla nani prubia ba, tasba tâ kum wina tâ wala kat pruan nani ba prawi kabia. Upla kumi sin baha nani pura mata inbia apia, upla kumi sin baha nani bikaia alki bukbia apia; daiwan kânka nani baku tasba ra pruan kabia.

Isikiel 36:5

Dawan naku aisisa: Bîli aisinka nani ba pauta klauhi baku kupi baiwanka ba tawan wala nani ba mapara auya, kau pali ba Edom mampara, kan witin liliaka tara wal tasbaya iki ba brin bara misbara tara ni witin nani wal nasla nani ba impliki âpu daukan.’

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

Sakaraya 14:3

Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

Param Marikanka 20:15

Ani uplika nina raya kaia wauhkataya ra ulbras kan ba, pauta lakni lakunka ra lulkan kata.

Param Marikanka 20:9

Witin nani tasba bîla yahpika ra bal ulan, bara Gâd uplika nani kiampka ba, bara witin latwan kaiki tawanka ba sin kir kutbi brin. Sakuna Gâd mita kasbrika purara ba wina pauta klauhan blikan, bara baha nani sut angki âpu daukan.