Aiseya 33:3 - DAWAN BÎLA AISKA

³ Wan sauhkaia aulma binka ba upla nani wali, plapisa, man wan tilara dimisma ba ra nisan nani ba turwi takisa;

Aiseya 33:3 ပူးပေါင်းရင်းမြစ်များ

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 59:11

Man bui witin nani ra kupiam swapni bripara, upliki nani ba ban kabia dukiara; yakabrira dauks, man karnikam ba wal, bara yas man ra bawbia. ¡Dawan ba sika wan kan kahbaika ba!

Lawana Nani 68:2

Kiasma baku pâsa ra pâli lap tiwisa, blas pauta ra slilwi tiwi baku tiwisa. Gâd mawanra watawi dadaukra sut tiwisa.

Aiseya 21:15

Kan witin nani sord malika wina plapisa, sord napa mala daukan ba wina, pantamangka lulkaia aubi ba kaina wina, war aiklabi aula ba mawan wina sin.

Aiseya 33:4

ai waihla nani ba, kasbrika ra tristrisia nani ailal pali baku, witin nani purara kauhi diara bri ba sut mihta dakbisa.

Jirimaya 25:30

“Jirimaya, man bui yang nini ra naha sturka nani na witin nani ra wis: ‘Dawan ba pura wina alwani baku ai bîla baikra ba blikisa, ai iwaika holikira iwi ba wina. Ai sîpka nani ba mapara winisa wain tataibra nani wini ba baku, tasba ra upla nani iwi ba sin mapara.

Jirimaya 25:31

Binka tara ba tasba aiska kir ra auya, kan Dawan nisan nani mapara diara daukuya ba kahbi auya pruikira nani ba sut lâ ra paiwaia, watawikira nani pruaia pâtka ra lakaia. Dawan baku kasak aisisa.’ ”