Aiseya 33:14 - DAWAN BÎLA AISKA

¹⁴ Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 33:14 ပူးပေါင်းရင်းမြစ်များ

Job 18:11

Ani ani sut ra witin auya ba ra, tâ ikisa baku ai dahra walisa, ai mina lulki bani ba sut ra, witin nina bliki rausauhki baku ai dahra walisa.

Lawana Nani 11:6

Upla watawikira nani purara Dawan mita yaka masku aswi ba, pauta klauhan, sulpa lî auhi baku blîkbia, yaka pâsa krawi diara sut angkbia. ¡Witin nani briaia aitani ba, Dawan bui witin nani ra yabia!

Lawana Nani 21:9

man bui witin nani ba pauta klauhi kubuska ra lulkma, witin nani ai lâka daukaia param takma ba ra. Dawan ai lawanka tara ni, pauta klauhi bara witin nani ba angki tikbia.

Lawana Nani 50:3

Wan Gâdka ba aula, sakuna sâp lika balras sa; witin aula ba, ai kainara pauta klauhi, skwal baku diara sauhki tiki balbia.

Lawana Nani 53:5

Bahara witin nani ba, sibri tatatwaia dukia lika âpu sa, sakuna witin nani ba, sibrin ba mita mahka; tatatwaia sa, kan Gâd mita witin waihla nani dusa ba yakaban sa bamna. Ai swira taki banhbia, kan Gâd mita witin ra lulki swibia bamna.

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 32:11

Man nani sâp sma ba tatatwi bas, sari takras mairka nani, man nani trabil taki luks; man nani âmyapah mairka nani, man nani prâmka daiks, sari prâka dims, kwala sukra ni man nani maisam wilks.

Aiseya 34:9

Tingnika nani laya ba târ klaswan baku takbia, ai tasbaya yuyaka ba sulpa baku, bara ai tasbaya ba târ lapta slilwi baku kabia.

Aiseya 47:14

Sakuna kaiks witin nani ba kapan taya yuya baku sa; pauta klauhan mita witin nani angkbia, pauta klauhan karnika ba wina ai rayaka nani ba sip swaki sâkbia apia. Kan masku klauhan apia sa, baha lamara iwi ailahki kaia.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Aiseya 7:2

Baha piua ra naha bîla na blikan, king Ahaz ra bara ai taya nani ra sin wih win: “Siria uplika nani ba, Efraín aikuki asla takan.” King ba ai uplika nani sin baha walan, tatatwi banhwan pâsa krawan unta ra dus nani wauhi ba baku.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Aiseya 9:18

Upla nani saurka ba, pauta klauhan baku takan, bara kiaya, rahra nani ba angkisa unta srikra pâwi nani ba sin, dus tara pâwi nani ra sin angkisa, bara kiasma ba pâsa pura bâk sunan uli wîsa.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Emus 9:10

Upliki nani tilara saura dadaukra nani sut ba sord malika ra pruan kabia; baha nani naku aisi ba sut: ‘Yawan ra diara takbia apia; baha saurka nani ba yawan ra wan alkbia apia.’

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Malaquía 3:2

Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Matiu 18:8

“Baha mita mihtam, apia kaka minam kra mita maikan saura lâka ra kauhisma kaka, klaki dakbi bara laihura lulks; kan kau pain sa raya kaia ra mihtam âpu, apia kaka minam âpu wih dimma, sakuna ban kaia pata klauhan ra mihtam wâl bara minam wâl brih mai lulkka lika apia.

Matiu 22:12

Bara witin ra win: ‘Upliki, ¿nahki kan man marit kwalka dimras si nâra ban bal dimram?’ Sakuna wala ba diara kumi sin aisaras.

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Kli Smalkanka 4:24

kan Dawan Gâd lika lalawra Gâdka sa, pauta ami âpu taki ba baku.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

Hibru Nani 12:29

kan wan Gâdka ba lika pauta lakni diara angki sauhki tiki ba baku sa.

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.