Aiseya 33:13 - DAWAN BÎLA AISKA

¹³ Wals, man nani laihura sma ba baha warkka yang daukri nani ba; bara man nani sin baila ra sma ba, man nani bui yang karniki ba tânka kaiks bara aisas.”

Aiseya 33:13 ပူးပေါင်းရင်းမြစ်များ

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Lawana Nani 48:10

Man Dawan, man ninam ba tasba aiska ra mamyunan sa man ninam tânka ba kat. Man karnikam ba wal kasakka lâka ba aiska daukisma.

Lawana Nani 97:8

Man Dawan, Saion bara Juda tawanka uplika nani ba man lâmka bîla nani ba dukiara lilia sa;

Impakan Sturka 15:14

Nisan nani naha tânka na ai dara walbia ba ra witin nani tatatwi kabia, filisteo nani ai nana dusa warbi lakbia, sarka lâka latwanka taibuya ba luki ba mita.

Aiseya 18:3

Man nani sut, tasba aiska ra iwisma ba, tasbayam ra iwisma ba sin. Il nani purara sain nani bukbia ba ra, man nani kaikma, trumpit puhbia ba ra, man nani walma.

Aiseya 37:20

Bamna yang nani ra, Dawan wan Gâdka, nanara swaki wan sâks karnikam ba ni, witin nani mihta ba wina mamkabisna, bara king tasbaya nani kaikbia man baman Dawan Gâd sma ba.”

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Daniel 3:27

baha kuntri ra karnika alki nani bâra kan ba sut naha wahma yumhpa lamara aidrubi balan, baha nani wîna tara ba pauta ba diara munras kan, bara tânka pliki kaikan tâwa mina kumi sin amras kan, ai prâka nani ba sin amras kan, baha purkara pauta aman kîa sin taya ra âpu kan.

1 Samuil 17:46

Nanara Dawan bui mihti ra mai mangkbia, naiwa yang mai ikamna, lamla sin klaki dakbamna, filisteo aiklaklabra nani wîna ba sin tnawira nani ra bara daiwan nani ra sin yarka pibia. Baku tasba aiska kaikbia Israel ra Gâd kum bâra ba;