Aiseya 32:14 - DAWAN BÎLA AISKA

¹⁴ Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Aiseya 32:14 ပူးပေါင်းရင်းမြစ်များ

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

2 Kronikas 33:14

Naha ningkara Manasés bui Debit Tawanka ra, Guihón waupasa tani ra, kutbanka tara kum paskan, baha ba lata tani bâk daukata, baha ba tingni kum bâk lui kan, ban pliska kum Inska nani Durka wi kan ba kat, baha ningkara Ófel kaina kir kutbaia. Kutbanka ba purara pali daukan. Bara kamandanti nani mangkan tawan nani bani kutbanka paskan tâ baikaia dukiara, Juda pliska nani ra.

Nihimaya 3:26

ban Lî watla getka ba kat, lalma tani ra tawer laihura kaikaia watla ba lama kat. (Ófel ra iwi uplika nani ba lika tempel ra wark dauki kan.)

Lawana Nani 104:11

Baha laya ra daiwan wail nani lî dîsa, baha laya dih biriku nani il ra ba ai diranka daskisa.

Aiseya 22:2

Man nani, mai turban sa, tawan tara unsaban binka pali man ba, tawan tâura, lilia nani pânika ba, pruankam nani ba sord malika pruras, war ra sin pruras kan.

Aiseya 24:10

Bahki lâka ba mita tawan ba krikan sa, utla nani sut ba witin nani mita prakan, upla kum sin dimaia apia dukiara.

Aiseya 24:12

Tawan tara ba bîla man swin, sauhki tikanka ba wal getka ba batakan.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Aiseya 27:10

Tawan tara karnakira nani ba bîla man swin kabia, utla kum upla dimras watla ba baku, upla âpu baku bîla man kabia. Bîp lupia nani ba bahara twi pi kabia, bahara bawi wakabi kabia, tnawa nani ba sin sut kriki âpu daukbia.

Aiseya 3:26

Tawan getka nani ba, sari bribia bara inbia, bara witin nani, lulki bîla man swibia.

Aiseya 5:9

Karnika sut bri Dawanka ba swer taki yang ra aisin: “Utla ailal ba sauhkan kabia; tara bara pranakira kabia sin, bîla man swin kabia upla bahara iwbia apia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Aiseya 7:23

Baha piua ra sin wain nasla kum wain dusa 1,000 mangkan ba, ai mana ba silbar mâ 1,000 kulki kan ba, nanara kiaya bara rahra wal pâwi kabia.

Jirimaya 14:6

Biriku wail nani ba yul sâtka daiwra nani ba baku diara pâwras kiuhsika nani ra uli ai lal buki pâsa aubisa; nakra pukni takisa, kan ai pata piaia twi âpu ba mita.”

Jirimaya 33:4

Yang, Dawan, Israel Gâdka, maisa pakaia sturka kum brisna Jerusalem watla nani ba dukiara, Juda kingka watla nani ba slingban kabia ba wiaia. Caldea uplika nani balan witin nani wal aiklabaia kutbi bri ba mapara aiklabaia ai sordka nani bri taki wabia, sakuna sut, pruaia baman wabia. Yang kupi baiwan pali ra witin nani ba pruaia daukamni, kan maiwan witin nani ra kaikras kamna baha tawanka watawika ailal pali daukan bamna.

Jirimaya 6:5

¡Bamna kaisa yawan tihmia ra aiklabaia bara tawerka nani ba slingbia!”

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Sofonías 2:7

Juda uplika nani baha yua pâtka ra pruras swak takan kabia nani ba, Dawan ai Gâdka, witin nani tâwan aimaki balbia bara ai kuntrika ba bribia, bara piua yamni ra witin nani dimbia. Bara bahara ai daiwra daknika nani ba kaiki tihmia ra Ascalón watla nani ra dimi yapi kabia.

Luk 21:20

“Ani piua Jerusalem tawanka ba suldiar nani mita kutbi bri kabia ba ra, damra wali bas, sauhki tikan kaia ba baila sa.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.