Aiseya 30:6 - DAWAN BÎLA AISKA

⁶ Négueb daiwra nani dahra aisin ba: Pât nani tasbaya ba banhkisa, layan nani ahbi ba bâra iwisa, piuta nani daiwan saura nani pâli tauki nani ba bâra sa diara nani bri ba diara kuki brin nani ba baha nani bal biriku ra bara kiamil ra prahki Idsip ra kwahkisa, diara sip daukras uplika nani ba,

Aiseya 30:6 ပူးပေါင်းရင်းမြစ်များ

Blasi Sturka 12:9

Baha ningkara witin kau ban tawa tawa ra ai yabalka ba impaki kan ai kainara, Négueb tasbaya ra waia.

1 King Nani 10:2

Kwin ba balan upla kutbi kir nani aikuki, ai prana daukanka tara aikuki, diara sâtka ailal sin kiamil ra suni brih balan, isint kîa pain nani bara gul klauhi ba, pranakira sin ailal brih balan. Witin Salaman ra balan ba ra, dîa dîa makabi walaia bri kata ba sut makabi walan, ai kupia ra bri kan ba sut sin win.

2 Kronikas 16:2

Bara Dawan tempelka ra king watla ra gul bara silbar nani kukan ba, Asá bal baha nani sut sakan, bara dukia nani ba Ben-hadad, Siria kingka ra blikan, witin Damaskus ra iwi kan. Bara king ra naha bîla sin blikan:

2 Kronikas 9:1

Sabá kwinka ba walan upla nani bui Salaman nina tara mayuni aisi kan ba, bara witin Jerusalem ra wan makabanka karna nani makabi walaia dukiara. Bara upla nani ai kan kir kutbi ai prana tara dauki Jerusalem ra balan, isint nani, gul bara walpa manakira nani ailal kiamil ra prahki bri balan. Witin Salaman ra balan ba ra, dîa dîa makabi walaia bri kata ba sut makabi walan, ai kupia ra bri kan ba sut sin win.

Job 39:11

¿Man sip sma ki witin ra kupiam mangki lukaia, kan witin ba karna ba mita, bara swirka warkkam sin dauki kabia ki?

Aiseya 14:29

Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.

Aiseya 15:7

Baha mita, upla nani ba ai yuyaka nani ailal kukan sa, baha nani sut ba Yasu nani tingnika ra bri si yukukbia.

Aiseya 19:4

Sakuna yang mita, Idsip ra dawan kum karnika mina munhtara mangkamni, taibi mamunra kingka witin nani dawanka aimakbia.” Karnika sut bri ba Dawanka baku aisisa.

Aiseya 35:9

Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Aiseya 57:9

Gâd Mélec ra plapi waram batana laya brih muni bara isint kîa pain ba sin ailal; bîla twatwilkra nani ba laihura blikram, witin nani ba, pruan nani kingka tasbaya kat brih waram.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 2:6

Witin nani lika yang ai plikaia trabil taki lukras kan, Idsip wina yang bui witin nani sakri ba, upla iwras tasbaya bâk tapahki ba, tasba lâwan albangka nani bâk luan ba, lî âpu tasbaya bâk, pât nani pali man taukan ba, upla sin bahara iwras, bahara sin impakras yabalka ra taukan ba sut.

Isikiel 20:46

“Man, upla luhpia, waupasa tani ra taws, bara baha tani ra; yang nini ra waupasa tani tasbaya ra dus nani unta ra pâwan,

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Oseas 12:2

Dawan bui Israel ra blahwanka kum ra dingkan sa. Jekob kiamka ba klala yabaisa, witin nani ai lâka bri ba tâwan; witin dîa daukan ba kat mana aibapaisa.

Miqueas 6:14

Plun pi kama, sakuna aitani âmyapah taki kama apia, plun mai dauki ba ban kabia; patam wahbi kama sakuna ban alki bri kama apia. Bara ban kra wiria pan apahki swima kaka, baha sin war aiklabi ba mita sauhki tikan kabia.

Sakaraya 6:6

Aras siksa nani aubi waginka ba, yahbra tasbaya ra auya; aras pihni nani aubi waginka ba, muna tasbaya ra auya; bara aras puputni nani mita aubi waginka ba, waupasa tasbaya ra auya.”

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Kulki Kaikanka 21:8

Bara Dawan bui witin ra win: —Bras ni piuta kum paskma baha piutka ba wal baku, bara dus kum tâura wilki purara pami swis. Ani uplika ra piuta sambia kaka, uplika ba baha dusa ra bras ni piuta paskan ba ra kaikbia bara prubia apia, rawi bûi kabia.

Matiu 12:42

Waupasa kwinka ba sin lâ daukaia yua ra, naha uplika nani lâka daukbia bamna, witin bubia, naha uplika nani ra pât ra lakbia, kan witin lika tasba laih wina balan Salaman sinska tara bri ba walaia, bara yang bui man nani ra mai wisna, nahara diara kum sa Salaman purkara kau tara ba.

Kli Smalkanka 17:16

Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kli Smalkanka 8:15

Upla iwras tasbaya saura, sibrinkira bâk maikan wapram, piuta puisinkira bara misri ailal, lî âpu kan ba, witin walpa karna wina lî diaia yaban.