Aiseya 30:32 - DAWAN BÎLA AISKA

³² Kasakka lâka dadaukra dusa prukanka kumi bani ba, Dawan mita witin nani purara prukuya ba, kungbi nani pruki, arp nani kangbi ba binka baku kabia. Dawan ba witin nani mapara karna pali aiklabia.

Aiseya 30:32 ပူးပေါင်းရင်းမြစ်များ

Blasi Sturka 31:27

¿Dîa muni man kunin ai muni bara yukuwi maisi pakras plapram ki? Man mahka auma ba tânka yang bri katna kaka, lilia tara daukaia kapri, drum pruki, arp kangbi lilia binka dauki lamkula daukaia katna.

2 Kronikas 32:8

Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

Job 16:12

Yang kupia kumi iwi kapri witin wal, bara naina wina witin ai alkan; ai tuyukbi yuya baman ai daukan, ai trisbaika lulkaia markka ai daukan.

Aiseya 10:24

Karnika sut bri Dawanka ba witin naku wisa: “Yang upliki nani, Saion ra iwisma ba, Asiria uplika nani ba si bripara, ai kingka dusa ni mai prukbia kabia sin, mampara ai kînka dusa nani ba bukbia kra, Idsip uplika nani mai daukan ba baku.

Aiseya 10:26

Dawan, karnika sut ba mita witin nani ra klala yabia Oreb ra walpa tara bara Madián uplika nani ra bataki pura luan ba baku, Asiria mapara ai karnika ba marikbia. Idsip ra ai karnika marikan ba baku.

Aiseya 11:15

Dawan mita Kabu Pauni bâk yabal kum kwâkbia Éufrates awalka ra ai mihta sakbia bara yaka pâsa saura kum krawbia, bara yabal 7 kilwan kabia, bara sip kabia ai sûska daikras lui waia.

Aiseya 19:16

Baha yua ra Idsip uplika nani ba, mairin sibrinkira nani baku kabia; witin nani sirang iwi, sibrin man kabia, karnika sut bri Dawanka, ai mihta purara bukan kabia ba, witin nani ai mapara.

Aiseya 2:19

Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Aiseya 24:8

Kungbi pruki lilia dauki kan liliaka ba takaskan, lilia tara binka dauki kan ba sin takaskan, arp binka liliaka ba sin takaskan.

Aiseya 30:29

Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Aiseya 31:4

Dawan bui ai win: “Layan kum bui sîp kum ra alki ikan ba baku, sepad nani daknika kum aidrubi asla taki witin mapara balbia sin, sakuna ai bîla baikra ni sirang ikbia apia, witin nani binka dauki ba mita ni sin sasibrira takbia apia; karnika sut bri Dawanka ba sin baku aiklabi bal iwbia Saion ilka purara.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 32:10

Man tamka, sibrin lâka yabamni tawan manis ra; ai kingka tâ iwan tara pali kabia, sordki mawanra sakamna ba ra. Kauhma ba ra, witin sibrin mita tatatbia klauna ai rayaka dukiara.

Hibru Nani 12:26

Baha piua ra, Gâd bîla baikra ba mita tasba na yan nikwan; sakuna nanara witin naku wisa: “Kau aima kumi tasba na munrika nikbia, bara tasba na baman apia, sakuna kasbrika purara ba sin.”

1 Samuil 10:5

Baha ningkara Guibeá Gâd dukia ba ra wama, bahara filisteo aiklaklabra nani bâra ba sin kaiki luma. Bara tawan ba dimaia lamara wama ba ra, prapit nani dakni kum sakripais daukaia watla wina aula spirit diman ba wal prawma. Witin nani aula ba kainara upla nani arp kangbi, drum pruki, plut puhbi bara gitar puli kabia.

1 Samuil 18:6

Ban sakuna, Debit bui filisteo ba ikan ningkara suldiar nani ba tawi balan taim, Israel tawanka sut wina mairin nani taki balan, aiwani, dans puli liliakira, drum pruki, pân pruki bara bin sâtka wala dauki, king Saúl aula ba liliakira briaia.