Aiseya 30:3 - DAWAN BÎLA AISKA

³ Sakuna king fero karnika ba man nani ra swira lâka ra mai lakbia, aimawahkanka nani man kabia, Idsip wina hilp nani briaia ba.

Aiseya 30:3 ပူးပေါင်းရင်းမြစ်များ

2 King Nani 18:21

Yang kaikisna man ba Idsip uplika nani ra tniwisma. Baha pain, Idsip ba kayu taiban yuya baku sa, bahara tniwisma ba, ya bahara tniwi ba ai mihta bâk silak dimi mâ walak lubia. Baha sika king fero Idsip kingka, ya uplika nani witin ra kasak lukbia kaka, baku takbia.

Lawana Nani 108:12

Hilp wan muns, wan waihla nani ba mapara; kan upla hilpka ba, wan tâ baikanka âpu sa bamna.

Sins Lâka 25:19

Trabil wan alki piua ra, kir tawi wan atki uplika ra kasak lukaia ba, wan kuhma kum kriwan wapi ba, wan napa unta bri kan plun pi ba baku sa.

Aiseya 20:5

Bara witin nani ai kupia trabil munbia, ai swira sin lukbia Etiopía ra kan bahara bîla kaikanka bri kan ba, bara Idsip ra, ai mayunra kan ba.

Aiseya 20:6

Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Aiseya 36:6

Yang kaikisna man ba, Idsip uplika nani ra tniwisma, baha pain; Idsip ba kayu yuya baku yaba, bahara tniwisma, ya bahara tniwi ba, ai mihta bâk silak dimi mâ walak lubia. Baha sika king fero, Idsip kingka, ya uplika nani witin ra kasak lukbia kaka, baku takbia.

Jirimaya 2:36

¿Dîa muni sringkam sma man wal kupia kumi takan nani ba swi si wala plikisma? Idsip sin mai swibia, Asiria pat mai swin ba baku.

Jirimaya 42:18

“Dawan karnika sut bri ba, Israel Gâdka, aisisa: ‘Yang lawanki kupi baiwanka laptika Jerusalem uplika nani ra alkan ba, baha baku man nani mampara sin takbia, ban Idsip ra wama kaka. Man nani ninam ba lahtuban uplika nani mâkbia, upla ra sirang ikaika takma, naha tasbaya ra sin kli tawi balma apia.’

Jirimaya 42:22

Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 46:25

Dawan, karnika sut bri ba, Israel Gâdka ba, aisisa: “Amón Tebas gâdka ba klala yabaisna, Idsip gâdka nani ba, kingka ba sut, king fero ra kasak luki nani ba sin klala yabaisna.

Isikiel 29:7

mihtam nani ra alkan ba ra, man kriwram bara tnaya mina ra yaram insauhkan; man ra ai tâ baikaia munan ba ra, man kalram bara yabram kauhan.

Oseas 10:6

Bîpka pali ba sin Asiria ra brih wabia king tara ba ra prisant yabaia. Baku Efraín ba ai swira pali takbia: Israel sin aidul bri ba swira daukan kabia.

Roman 10:11

Ulbanka ba wisa: “Witin ra kasak luki uplika ba kumi sin kunin munan kabia apia.”

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.