Aiseya 30:29 - DAWAN BÎLA AISKA

²⁹ Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Aiseya 30:29 ပူးပေါင်းရင်းမြစ်များ

Lawana Nani 18:31

¿Gâd ba dîa sa, Dawan wina tnaya ra tawbia bara Gâd wala bâra sa ni, wan kan kahbaia sip ba?

Lawana Nani 32:7

Man sika yang yukuwaiki watla: pât ai alki ba wina man kaini kahbisma, pri sakan lawana nani ni kaini kir aiwanisa.

Lawana Nani 42:4

Baha diara takan tânka nani ba luki kaikuna ba ra, kupi krawisa upla sut kira yang impaki auna kata ba, Gâd tempelka watla ra, lilia tara ailal wal, tingki manis pali sin; ¡kaiki lilia tara pali!

Lawana Nani 42:5

¿Dîa muni yang ban sari kaia sna? ¿Dîa muni ban diara luki kaiki kaia sna? Bîli kaikanka ba Dawan ra yang brisni, witinka ra kau ban mayuni kamna ba. ¡Witin baman yang Dawanki, yang Sasakriki sa!

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 30:28

ai wingka puhbra ba, lî kârma lisamra tara dingki ba baku sa; wan nana kat wan rungki ba; witin aula nisan nani purara wirhika kahbaia, sauhki tikaia ra dukiara sin, un mangkaika un ra mangki yabal wala ra brih waia.

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Aiseya 44:8

¡Man nani si bripara, man nani sin tâ iwpara! ¿Blasi pali kankika ba piua wina, maikri man nani walram bara sin mai wîri kan apia? Man nani ba sika yang witniski nani sma. Gâd wala âpu, yang baman; yukuwaia watla wala âpu; kaikras sna wala kra.”

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Libait Lâka 23:32

Man nani mampa ra ris yua baman kulkaia sa, plun piaia apia, baha katka yua 9 tutnika ba wina, kulkaia ban yua wala tutnika ba kat, tutni kum wina tutni wala kat.”

Matiu 26:30

Witin nani lawana nani aiwanan ningkara, Olivet ilka ra wan.

Kli Smalkanka 16:14

Naha liliaka ra luhpiam nani, albikam, rau nani, piarka nani sut tawankam ra iwi ba aikuki lilia dauks.

Kli Smalkanka 16:6

Witin ai nina bâra kaia pliska, witin mita aihka sâkbia ba, bahara lika tutni lapta dimaia man awarka ra sakripais dauki yama, kan baha awarka ra sika man nani Idsip wina takram.

Kli Smalkanka 32:31

“Wan waihla nani pain ai dahra walisa ai kan kakahbra ba yawan bri ba wal sip prakras.

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.