Aiseya 30:26 - DAWAN BÎLA AISKA

²⁶ Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 30:26 ပူးပေါင်းရင်းမြစ်များ

Job 5:18

Witin bui mai insauhkbia kaka, witin mita kwala ni wilkbia; ai mihta ni latwan maikbia kaka, witin wina daskaika ba maikbia.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 19:22

Dawan Idsip uplika nani ra klala yabia; klala yabia bara kli rakbia, witin nani Dawan ra ai kupia lakbia, bara witin nani ra ai kupia pihni ba marikbia.

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 30:13

baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Aiseya 30:14

Man nani ba sumi dakawa kriki baku mai krikan kabia, kriki yuya lupia baman taki ba baku takma, kau pîska kumi pan sâkbia apia pauta aswan mangki utla wina bri balaia, apia kaka liwanhta wina lî sakaika pan briaia.”

Aiseya 33:24

Bara iwi nani ba wibia apia: “Yang siknis sna.” Bahara iwi uplika nani watawanka nani ba Gâd mita ban swih tikan kabia.

Aiseya 57:18

Ai yabalka nani ba yang kaikri; sakuna witin ba rakamni, bara ris sin yabamna bara aiska ai âuyapah kaia, witin ra maisa nihkra yabamni, ai uplika nani sari bri nani ba ra maisa nihkamni.

Aiseya 58:8

Bâra mika ingnikam ba bal takbia yu baiwi uluya ingnika ba baku, bara man insauhkankam ba, isti pali pain takma; bara kasakkam lâka ba kainamra wabia, bara yang praina ba man wal kabia.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Jirimaya 30:17

Sikniskam nani ba mai rakamna, insauhkan brisma ba sîka daukamna, waihlam nani ba nahki aisabia sin: ‘Saion ba lulki swin sa wibia, upla kumi sin Saion dukiara lukras sa.’ Yang, Dawan, kasak aisisna.”

Inanka Nani 2:13

Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Sakaraya 14:7

Baha yua ba aihka pali kabia, Dawan baman baha tânka kaikisa. Baha piua ra kakna wih tihmia wal aihka aihka apia, kumi ra kabia, kan ingni ba tihmia ra ban ingwi kabia.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.