Aiseya 30:16 - DAWAN BÎLA AISKA

¹⁶ panaura man nani wiram: “Apia, kanra yamni yang nani aras ra uli plapamna.” Baha ba mita man nani baku plapma. “Aras plaplapra waginka ra yang nani uli plapamna” wiram. Baha ba mita man nani ninam bliki nani ba sin plaplapra kabia.

Aiseya 30:16 ပူးပေါင်းရင်းမြစ်များ

2 King Nani 25:5

Sakuna Caldea suldiarka nani mita king Sedequías nina blikan, bara Jeriko twiya langnika kat nina bliki alkan, bara aiklaklabrika nani ba yakabrira plapi takan.

Job 39:11

¿Man sip sma ki witin ra kupiam mangki lukaia, kan witin ba karna ba mita, bara swirka warkkam sin dauki kabia ki?

Lawana Nani 33:17

Aras nani karnika ba upla swaki sakaia karnika apia sa; wala kumi ra sip swaki karnika tara brisa, sakuna sip upla swaki sakras.

Aiseya 2:7

Kuntrika gul bara silbar banhwan sa, yuyaka tara ba; kuntrika ba aras ni banhwan sa bara war waginka ba kulki sip sakras kama.

Aiseya 31:1

Saura pali kabia Idsip hilpka briaia pliki auya nani ba, bara aras nani ra ai lukanka mangki bri nani ba, bîla kaikanka nani bri nani ba sin, wagin ailal pali bri ba mita, aras âiulra ailal sin, baha mita ban witin nani ba kupia karna sa; Israel Gâd Holikira bâra ba lika kaikras, witin nani Dawan ra sin plikras.

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Jirimaya 39:4

Bara king Sedequías, suldiar nani ba sin kaikan dîa dîa taki ba, witin nani tawan ba wina taki plapan. Tihmia ra king giadinka yabalka bâk taki, tawan kutbanka wâl ba lila ra get bâk lui wan, bara Jordan ra waia il bîla yabalka ba ra aimakan.

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Jirimaya 46:6

¡Plaplapra nani ba plapaikas takan, kau tahplu nani plapi swak takras! Yahbra ra, Éufrates awala lamara, ai mina pruki kauhi banhwisa.

Jirimaya 52:7

Caldea uplika nani tawan ba kutbi bri kan, sakuna witin nani tawan kutbanka walpaya bâk unta kum daukan, bara king, suldiar nani ba aikuki tihmia ra bahak taki wan. Bara king giadinka yabalka bâk wan tawan kutbanka wâl ba lilak get bâk lui, Jordan ra waia ilka bîla yabalka ba ra aimakan.

Inanka Nani 4:19

Waihla nani wan nina bliki ba, kanra isti sa yakal tara purara pâli tauki ba wal; wan nina blikisa il nani tilara, ¡bara wan alkaia wisi wan kainara takaski wan bîla kaikisa!

Emus 9:1

Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Miqueas 1:13

Laquis ra iwi uplika nani, man nani sika Israel luhpia nani nina bliki maipara buram, Saion uplika nani ra munram saura daukan; bamna araskam karnakira nani ba, war aiklabaia waginka nani ra wilks.

Abakuk 1:8

Ai araska nani ba limi bulni wal kau karna plapisa, upla iwras pliska ra yul wail nani kraskira bâra ba baku kraskira nani sa. Ai araska âiulra nani ba, ailal pali plapi aula, bara kau laihura aula ba wina pat rau wan sauhkisa, yakal tara ai daiwra nani pliki sakan ba purara kauhi baku.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;