Aiseya 30:12 - DAWAN BÎLA AISKA

¹² Baha ba mita Israel Gâdka Holikira ba naku wisa: “Man nani naha bîli nani mai win ba lulki swiram bamna, bara lâ krikanka ra, watawika lâka ra sin lukankam mangki briram bamna, nahara sin man nani tâm baikram;

Aiseya 30:12 ပူးပေါင်းရင်းမြစ်များ

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Sins Lâka 24:2

witin nani lika upla rausauhki dukia dakbia baman ai kupia ra lukisa bamna, ai un nani sin wark saura sturka baman aisisa.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Aiseya 3:15

¿Man nani raitkam ani wina bri upliki nani yuskisma, bara umpira nani mawan ra taibisma?” Karnika sut bri Dawanka witin aisisa.

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Aiseya 30:7

karnika âpu, hilp munaia tâ baikaia sip apia. Baha mita nina ba yang naku mâkisna: “Daiwan saura tara kum uhbisa, sakuna diara daukras”.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Aiseya 8:6

“Naha uplika nani ra Resín sîa, Remalías luhpia waitna ba sîa, Siloé ra lî lamni aubi ba lulki swin bamna,

Jirimaya 13:25

Israel, baha sika man briaia sma ba yang kli maikaia sna ba man daukram ba. Yang, Dawan, kasak aisisna. Man bui yang ra âmya lap ai tikram bamna, bara lukankam ba aidulkam nani ra kasak lukram.

Emus 2:4

Dawan naku aisisa: “Juda uplika nani saura ailal pali daukan, bamna yang bui witin nani ba sip klala yabras ban swimna apia; kan witin nani Dawan lâka ba bahki kulkan, Dawan ai lâka daukaia yan ba witin nani brih, daukras swin, kau ni aidul nani ra mayunan, witin nani ai aisika mayunan kata aidulka nani ra.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.