Aiseya 30:10 - DAWAN BÎLA AISKA

¹⁰ Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Aiseya 30:10 ပူးပေါင်းရင်းမြစ်များ

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:27

Bara witin nani ra wis, yang wisni, waitnika na silak ra mangki bri kabia, plun uya yabia apia, brit lî wal baman, yang pruras kli tawi balamna ba kat.

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Job 41:3

¿Dîa mamkabaisa ki, umpira kaikma wisi, bara bîla swapni ni mamkabaia sa ki?

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 5:20

¡Man nani ra saura kabia, diara saura ra yamni wisma ba, bara yamni ra saura wisma ba; ingni ba tihmia tara daukisma, bara tihmia tara ba ingni daukisma; tahpla ba damni daukisma, bara damni ba tahpla daukisma!

Jirimaya 11:21

Anatot uplika nani yang ai ikaia luki kan, witin nani ai win Dawan dahra aisamna apia, aisi ban kamna kaka ai ikaia ai win,

Jirimaya 23:17

Yang bîli kulkaia apia aisi nani ba wisa: ‘Diara sut yamni man takbia.’ Lal karna ai kupia lukanka kat luki tniwi nani ba aisisa: ‘Man nani puramra diara saura kumi sin balbia apia.’ ”

Jirimaya 26:11

Bara prîs nani bara prapit nani ba mita wihta nani ra bara upla nani ra sin win: “Naha waitnika na pruaia pâtka ra lakaia sa, kan naha tawanka mapara aisin bamna. Aisin ba man nani kiamam ni walram.”

Jirimaya 29:27

¿Bara dîa muni, Jirimaya, Anatot wina ba man lâ daukras sma ba, witin bui man nani mamwan kat prapit aisi baku aisi ba?

Jirimaya 36:29

Wis naku ulbaia: ‘Dawan naku aisisa: Wauhkataya ulban ba man brih angkram, bara Jirimaya ra sin lawi daukram baha ulban ba tâwan, witin ulban Babilon kingka ba balbia, bara kuntrika na sauhkbia upla kum sin âpu, daiwan kumi sin âpu kabia.

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Emus 2:12

“Sakuna man nani lika Nasariu nani ra wain taibi muni yabram din, bara prapit nani ra sin wiram, yang nini ba dahra aisabia apia.

Emus 7:13

Sakuna kli Betel ra bal dahra aisapara, kan naha pliska ba sika, king iwaika holikira sa, bara sin king tempelka aihwa pali sa.

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Miqueas 2:6

Witin nani bui Dawan dahra aisi uplika nani ra wisa: “¡Man nani baku dahra aisapara! ¡Swira tara ba, yawan ra sip wan alkbia apia!”

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Jan 8:45

Yang na diara kasak ba aisisna bamna, man nani sip kasak ai lukras sma.

Apastil Nani Sturka 4:17

Ban sakuna, naha diara na upla nani tilara kau bukaia apia ba mata, kaisa witin nani ra yawan bui sirang iki bara wip, naiwa wina kli Jisas nina mâki upla nani ra aisabia apia.

Apastil Nani Sturka 5:28

—Yang nani bui man nani ra adar maikri, baha waitnika nina mâki kli smalkaia apia, ban sakuna, kaiks dîa daukisma ba. Man nani smalkankam ni Jerusalem aiska banhkram sa, bara sin trai kaikisma baha waitna pruan ba dukiara yang nani na pâtkira ai daukaia.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Galesha 4:16

Bara nanara lika, ¿dîa yang na man nani waihlam kum takri sa ki, diara kasak ba mai wîri tâwan?

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

2 Timoti 4:4

Kasak tânka ba wina tnaya ra tawbia, bara sturi bahki sât sât nani bîla wali nani kabia.

Param Marikanka 11:7

Sakuna ai warkka ba dauki tnata alkbia ba ra, daiwan aihka saura kum tihu tara wina taki aula ba, witin nani mapara aiklabia, witin nani ra sin pura lubia bara sut kat ikbia.

1 Samuil 9:9

(Blasi pali piua lika, Israel luhpia nani kum Gâd wina diara tânka kum walan dauki kan ba ra, witin nani aisin: “Kaisa yawan diara kakaira ra waia”; baha sika nanara “Gâd prapitka wi ba”, bara witin ba sika blasi “diara kakaira” mâki kan ba.)