Aiseya 3:24 - DAWAN BÎLA AISKA

²⁴ Kîa yamni watlika ra bisbaya balbia; maisa wilkaika watlika ra, rup; tâwa pain pitbanka watlika ra lal ba kusban kabia; kwala pranakira ni ai maisa wilkaia watlika ra, krukus ni wilkbia, bara prana painkira kaia ba watlika ra, ayan ni mark kum pauta klauhi baku kabia.

Aiseya 3:24 ပူးပေါင်းရင်းမြစ်များ

Ester 2:12

Bara naha tiarika nani ba, kati 12 skahki prana dauki kan. Kati 6 ba lika, ai wîna aiska ba kîa pain batanka laya wal yuki kan; kati 6 wala ba lika, isint bara taya swapni daukaia dukia nani ba yuki kan. Bara baku natka ra tiarika nani ba, yua alkan ba ra, king Asuero mawanra brih wan.

Job 16:15

Sari lâka ni aibanhri sa, krukus kwalka ni dimri, bara tasba yamhpuska ra yang laila dingkri.

Sins Lâka 31:24

Mairka ba dimaia kwalka tara nani paskisa, wan maisa wila nani sin, bara diara wauhi âiatkra nani ra atkisa.

Sins Lâka 7:17

Yang mita purara isint kîa pain nani laikri sa; sîka mâka kîa painkira, alus bara sinimint aihwa sin.

Aiseya 15:2

Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Aiseya 15:3

Upla ba tawan yabalka tara bâk auya sa, kwala siksa dimi; utla bahna ra uli, ai bîla karna wini inisa uba latwan ba mita, tawan bilara asla taki pliska ba ra upla sut inisa, ai nakra laya nani uba sakisa.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 3:23

wan mawan kaikaia glaska nani, linin painkira, prâk pura dimaika nani ba, bara mawan pura prakaika nani sin âpu daukbia.

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 57:9

Gâd Mélec ra plapi waram batana laya brih muni bara isint kîa pain ba sin ailal; bîla twatwilkra nani ba laihura blikram, witin nani ba, pruan nani kingka tasbaya kat brih waram.

Jirimaya 4:8

Baha mita, sari prâka dims, man nani latwan bri ins bara mamna lulks, kan Dawan kupia baiwanka klauhi ba yawan wina tnaya ra tawras sa.”

Jirimaya 48:37

Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Jirimaya 49:3

“¡Hesbón, mamna lulks, kan Ai ba pat slingban bamna! ¡Rabá wina mairka nani, puram mata ini banhs! ¡Man nani kwala siksa dims, lamam pruki banhs! ¡Grisi baku plapi banhs, wînam insauhki ban plapi bas! Kan gâd Milcom ba priski tasba wala ra brih auya, prîs nani sut upla tara kulkan nani ba sin.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Inanka Nani 2:10

Saion pranakira almukka nani ba sâp taki tasba kat iwisa, krukus kwalka dimi tasba puknika ai lal ra yakabisa. Jerusalem tiarika nani lika, ai lal ba tasba kat makupisa.

Isikiel 27:31

Man dukiamra ai tâwa ba irbia, upla pruan sarka kwalka dimbia, bara kupia wirha tara pali wal inbia.

Isikiel 7:18

Witin nani sari kwalka ni dimbia; wîna aiska tatatbi kabia bara mawan ba sin pauni takan kabia ai swira mita, bara lal tâwa ba sin kusban kabia.

Joel 1:8

Nanara kwala siksa dimi, tiara kum ai waitnika wal ai maya kan pruan ba dukiara inisa baku,

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Miqueas 1:16

Bamna Saion tawanka uplika nani, man nani tâmwa klaks, sari brisma ba tânka marikaia dukiara, luhpiam nani latwan pali kaikisma ba tâwan; tâmwa irbi, lamla ba usus lal baku lipni dauks, uplikam nani ba taibi muni tasba wala ra brih wan kabia bamna.”

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Kli Smalkanka 32:24

Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.

1 Pita 3:3

Man nani aiskahkisma ba, lata tani dukia nani kaia lika apia sa, tâmwa aihkakira pitbanka nani kra, gul ni aiskahkaia ba, apia kaka kwala painkira nani dimaia kra sin.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

Param Marikanka 16:9

Sut ba saura pali angkan kan, bara witin nani ba Gâd nina ra diara saura nani aisan, witinka naha pâtka tara nani purara karnika bri ba; sakuna witin nani ai kupia lakras, witin ra sin mayunras.

Param Marikanka 18:9

Tasba kingka nani witin wal tâski lâka daukan ba, ai yuyaka sin tanis tiki kan ba, baha tawanka ba pura mata ini yahwi kabia, witin ami ba kiasmika kaikbia ba ra.