Aiseya 29:22 - DAWAN BÎLA AISKA

²² Baha mita, Dawan, Israel Gâdka ba, Ebraham kli atki sakan ba, witin naku wisa: “Nanara wina Jekob kli swira daukan kabia apia, ai mawan sin kli ami pauni takbia apia.

Aiseya 29:22 ပူးပေါင်းရင်းမြစ်များ

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 45:25

Israel luhpia nani sut yang ra tingki kabia, witin nani pura lalura nani takbia bara yang dukira tara ai dara wali kabia.”

Aiseya 50:7

Kan Dawan ba hilp ai munbia, baha mita swiri ai dauki ba, latwan aikras; baha mita yang maiwan ba walpa baku karna daukri, bara kaikaisni yang swiri daukan kabia apia ba.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Aiseya 54:4

Si bripara, bara swiram sin bripara; kan bahki mai kulkan kabia apia bamna, swiram sin briaia apia sma. Man tiara kapram swirka ba âmya tiks, piarka takram swirka ba sin, kli lukankam ra bripara,

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Isikiel 37:28

Tempelki holikira ba ban kaia ra witin nani tilara kabia ba ra, nisan wala nani ba ai dara walbia, yang bui Israel ba wahbi sakri ba, sim diara kasak sunukira baku.’ ”

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Joel 2:27

bara man nani, Israel luhpia nani, yang lika man nani Dawankam, man nani wal ban sna ba tânka kaikma, yang lika man nani Gâdkam sna, man nani lika gâd wala âpu. ¡Yang upliki nani swira daukan ba, swira lâka ba munhtara ban kabia apia!

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.