Aiseya 29:15 - DAWAN BÎLA AISKA

¹⁵ ¡Saura pali kabia baha nani ra, Dawan wina yukuwi ba witin nani dîa daukaia aisi ba yukukisa, ai watawika nani yukuwi dauki ba bara witin nani wisa: “Upla wan kaikras. Upla wala nu âpu sa”!

Aiseya 29:15 ပူးပေါင်းရင်းမြစ်များ

2 Samuil 11:27

sakuna witin ai sarka ba luan ba ra, Debit upla blikan mairka ba mata, bara witin king ai watla ra brin ai maya, bara witin luhpia kum baikan. Sakuna Debit daukan ba, Dawan bui yamni kaikras kan.

2 King Nani 17:9

Baha purkara, Israel luhpia nani ba Dawan Gâd lamara diara yamni nani apia ba daukan, ai tawanka nani aiska ba idan gâdka nani pliska paskan, aihwawakra nani watla laih purara paskan ba wina tawan kutbanka tara nani paskan ba kat.

Job 34:22

Tihmia tara, kau tihmu ba âpu sa saurakira kum ra yukukaia sip ba.

Lawana Nani 59:7

Ai bîla wina ukata baman sakisa, wan aisi ba wan insauhkisa: “¡Baha sika upla kumi sin wan walan daukras!”

Lawana Nani 73:11

Witin nani makabi walisa: “¿Baha ba Dawan nu takbia ki? ¿Laih Purara iwi Dawanka ba ai dahra walbia ki?”

Lawana Nani 83:3

Ai âuyama lâka ra, uplikam nani mapara saura daukaia luki plikisa, ¡man kan kahbi brisma, uplika nani ba mapara sin!

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Aiseya 57:12

Sakuna man daukankam nani aisaisna, dîa man lukisma, kasak wapni sma.

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Isikiel 8:12

Bara yang ra ai win: “¿Kaikisma ki, Israel almukka nani yukuwan ra diara dauki ba, kumi bani witin bâra ba lilka nani ulbi daukan ba? Kan witin nani lukisa yang ba kaikras, bara kuntri ba sin lulki swiri.”

Isikiel 8:8

Ningkara yang ra ai win: “Kutbanka untika ba kau tara dauks.” Yang untika ba tara daukri bara dimaika kum wal prawri;

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Oseas 5:2

Sitim ilka bîla ra sin liwanhta pakni pali salhkram. Baha tâwan klala maikaisna.

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Jan 3:19

Kasak lukras nani ba pat pât ra lakan sa; kan ingnika naha tasba ra balan ba ra, witin nani tihmia ba ra kau brin daukan, ingni ra lika baku apia, kan diara saura nani baman daukisa.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.