Aiseya 29:14 - DAWAN BÎLA AISKA

¹⁴ Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 29:14 ပူးပေါင်းရင်းမြစ်များ

Job 12:17

Dawan mita munisa sinskira nani ai sinska lâka ba tikaia, bara lâ dadaukra nani ba sinskas takisa.

Job 5:13

Kuninkira ba ai kuninka lâka ba ni prak alkisa, bara dîa dîa daukaia luki ba sut krikisa.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 19:3

Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Aiseya 28:21

Kan Dawan aiklabia Perasim ilka ra aiklaban ba baku, Gabaón ilka bîla ra aiklabi kan wih kaikan ba baku, ai warkka ba daukaia dukiara, ai warkka aihkakira ba, warkka daukaia win ba yaka daukaia, ai warkka aihkakira ba daukaia.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Aiseya 63:17

¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Jirimaya 19:7

Juda Jerusalem wal diara nani daukaia luki kaikan ba, yang naha tasbaya ra baha yuya sirpi daukamna. Yang daukamna ai waihla nani upla âikra nani ba mita bal iki pura luaia, bara wîna nani ba tnawira wîna papira nani ba daiwan wail nani pata takbia.

Jirimaya 49:7

Edom uplika nani ra wiaia Dawan aisin bîla ba: “¿Temán ra sins lâka âpu takan ki? ¿Sinskira nani ba sip wiras ki witin nani dîa daukaia? ¿Sins lâka nani bri ba sut tiwan ki?

Abdías 1:8

Dawan ba kasak aisisa: “Yang Edom ra klala yabamna yua ra, Isau ilka nani ra upla sinskira nani bâra ba, sinska lâka ba sauhki âpu daukamna.

Abakuk 1:5

Bara Dawan pana witin ra win: “Aihwaki kaiki bas nisan nani tnamya kir mai kutbi bri ba; man nani kaiks bara sirang tara iwi kama. Yang mahka baha dukia sâtka nani daukaia pat baila sna, man nani baha sturka walma ba ra, sip kasak lukma apia, upla kum bal mai wibia kaka.

Luk 10:24

Kan yang bui man nani ra mai wisna, prapit ailal bara king ailal sin kaikan dauki kan, naiwa man nani namkra ni kaikisma dukia nani na, sakuna witin nani kaikras kata; baha nani sin walan dauki kan naiwa man nani walisma na, sakuna walras kan.”

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

1 Korint 3:19

Kan naha tasba sinska lâka ba Gâd mapa ra sins âpu dukia baku sa. Ulbanka ra wi ba baku: “Gâd mita sinskira nani ba ai âuyama lâka kat prak alkbia.”