Aiseya 29:10 - DAWAN BÎLA AISKA

¹⁰ Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 29:10 ပူးပေါင်းရင်းမြစ်များ

Lawana Nani 69:23

¡Man bui witin nani diara kaikras daukma bara yarka ai kuhma nani ba tatatwi kabia!

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Aiseya 43:27

Man aisikam nani tâura saura daukan, smasmalkrikam nani sin wark saura maipara daukan.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Jirimaya 4:9

Dawan kasak aisisa: “Baha yua ba aimakbia ba ra king ba wihta nani ba sibrin mita tatatwi kabia, prîs nani ba sin sibrin tara daukbia bara prapit nani ba sin sirang ikan kabia.”

Inanka Nani 4:14

Witin nani tawan bîla yabalka nani ra, nakras baku sip kasak ai dara walras kira wapi kan; tala wal tâski pali aihwa takan kan bamna, upla kumi sin witin nani ra ai mihta ni sip kangbras kan.

Isikiel 14:9

“Bara prapit kum kunin munbia kaka, bara sturi aisabia ba, yang Dawan kunin munri kabia, baha prapitka ra; bara mihti sakbamna yang upliki nani ra bara klala yabamni, bara sauhki sin âpu tikamni Israel luhpia nani tila ba wina.

Miqueas 2:6

Witin nani bui Dawan dahra aisi uplika nani ra wisa: “¡Man nani baku dahra aisapara! ¡Swira tara ba, yawan ra sip wan alkbia apia!”

Miqueas 3:1

Man nani wihtka nani, Israel tâ uplika nani aimakisma ba, nanara yang aisanki na wals: ¿Kasakka lâka tânka briaia ba, man nani warkkam sa apia?

Miqueas 3:6

“Man nani prapit kuninkira nani, kli tihmia yapi kaikma apia, baku sin naika takaia dahra wima apia tihmu tilara. Lapta ingnika ba, baha prapitka nani wina tiwbia, bara kakna ingnika ba sin, tihmia tara iwbia.”

Roman 11:8

Ulbanka ra dîa aisi ba baku: “Gâd spiritka ba mapara baha nani ba yan ai dara walras kan; nakra nani sip kaikras ba yan, bara sip walras kiama nani ba sin yaban, bara naiwa kat baku ban sa.”

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

1 Samuil 26:12

Baku natka ra Debit bui langsika bara laya watla ba sin Saúl lal lamara kan ba brin, bara wi banhwan. Upla kumi sin witin nani ra kaikras, walras; upla kumi sin rawras kan, sut pali ba yapi kan, kan Dawan bui witin nani purara yapan wirha kahban.

1 Samuil 9:9

(Blasi pali piua lika, Israel luhpia nani kum Gâd wina diara tânka kum walan dauki kan ba ra, witin nani aisin: “Kaisa yawan diara kakaira ra waia”; baha sika nanara “Gâd prapitka wi ba”, bara witin ba sika blasi “diara kakaira” mâki kan ba.)