Aiseya 28:28 - DAWAN BÎLA AISKA

²⁸ Plawar ba taya sakisa, sakuna takaskras taya saki kabia apia; ai karitika wilwaika ba ni mâ ba akbras, taya sakaika napa ba ni sin mâ ba krikras.

Aiseya 28:28 ပူးပေါင်းရင်းမြစ်များ

Aiseya 21:10

Yang upliki nani, plawar ai mina ra taibi baku sma, karnika sut bri ba, dîa aisin walisna ba yang maisam pakisna.

Aiseya 28:27

Eneldo ba taya sakaika ra mangkras, karita wilwaika ba sin kumin mâ purak karbi lukras; ban sakuna dus kum ni eneldo ba drusban, kunin ba sin dakbaika dusa ni dakban.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Jirimaya 10:24

Dawan, man kasakkam tânka ba kat yang nani wapniki ai dauks, sakuna man lawankam tara ba ni lika apia, baku lika yang nani sut âpu ai tiki lukma.

Emus 9:9

Yang bui daukamna, Israel luhpia nani ba singbi kaikaia, plawar mâ singbaika ra auhbi singbi ba baku, mâ kumi sin tasba ra batakan kabia apia ba.

Kulki Kaikanka 7:3

witin nani sin Dawan ra ai prisantka nani brih balan, wagin matlalkahbi bara bîp wainhka sin 12, wagin kumi bani ra lalka nani wâl ulaia, wibia kaka wagin kumi bani ra bîp wâl wilkaia, bara lalka kumi bani ba kum bribia. Bara baha prisantka yan ba sut tint watla lamara swin.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.