Aiseya 28:22 - DAWAN BÎLA AISKA

²² Bamna, ¡nanara man nani, upla mina praprukra lawaska kakikra nani kapara!, mai priskanka nani ba kau karna mai taibaia apia. Kan sauhki tikaia karnika sut bri Dawanka ba wina yang walri, pat luki kaikan sa kuntri aiska purara daukaia ba.

Aiseya 28:22 ပူးပေါင်းရင်းမြစ်များ

2 Kronikas 30:10

Bîla twatwilkra nani ba Efraín aiska bara Manasés tasbaya ra sin wih win, tawan tara kum wina wala kat, ban Zabulón kat wan. Sakuna upla nani ba kaiki bara ai lawaska kiki kan.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Lawana Nani 107:16

¡Witin sika bras durka nani yuya man daukan ba! ¡Witin sika ayan dusa bâk, kriki yuya man daukan ba!

Impakan Sturka 8:25

Bamna king fero bui Moses bara Eran ra paiwi, win: —Man nani was bara Gâdkam ra sakripais dauki yas, sakuna naha tasbaya wina taki waia apia.

Sins Lâka 19:29

Bin dadaukra nani nina ba, dus ni prukan kaia dusa ba sin pat ridi daukan sa; prukanka nani sin, taniskira nani nina dusa dukiara sin ridi sa.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 28:23

Man nani wals: Yang bui man nani ra aisisna ba wals; bîli aisinka nani ba, man nani aman wals:

Jirimaya 15:17

Baha nani lilia baman kaia luki nani ba tila wina aihka takisna, man bui yang Dawanki takram yua ba wina yakan wataukri, kupiam baiwanka nani ba ni ai banhkram bamna.

Jirimaya 20:7

Dawan, man kunin ai munram, bara yang sin kunin ai munan takri; man kau karna sma, bara puri luram. Piu sut upla ai kaiki kikaia dukia kum takri; upla sut yang laiwaska kikisa.

Jirimaya 25:11

Naha kuntrika aiska na sauhki tikan slingban bâra kabia. Piua ba 70 mani kabia naha nisanka nani bani ba Babilon kingka munhtara kabia.

Jirimaya 36:23

Bamna Jehudí wauhtaya ba wahia yumhpa, apia kaka walhwal aisi kaiki bara king baha brih skiru ni klaki sirpi dauki angki kan. Baku dauki wauhkataya ulban ba sut angkan.

Jirimaya 39:7

Bara Sedequías lika nakra nani ba daiki priski Babilon ra brih waia win.

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Isikiel 22:14

Lukpara man sip kama yang maipara buaia, mampara wapnikam daukaia buamna ba ra; yang Dawan, baku wisni bamna daukamna:

Nahum 1:9

¿Man nani, Dawan mapara buaia wisi, dîa lâka aisi paskisma? ¡Witin bui man nani sut ra âpu mai daukbia! ¡Upla kumi sin âpu sa ai mapara aima wâl buaia!

Matiu 27:39

Bahak lui kan nani ba mita swira dauki, ai lal wauhi,

Matiu 27:44

Âimplikra nani witin wal dus ra saban kan ba mita sin ai swira dauki kan.

Luk 21:24

Upla tila nani war ra pruan kabia, bara wala nani ra lika priski brih wan kabia plis wala nani ra; bara Ju apia nani mita Jerusalem ba ai mina ni taibia, piua mangkan ba tnata alkbia ba kat.

Apastil Nani Sturka 17:32

Pruan nani kli buaia dukiara aisin walan ba ra, tila nani mita lawaska kikan. Wala nani bila: —Kau pain kabia piua wala ra kli naha aisanka na walaia.