Aiseya 28:1 - DAWAN BÎLA AISKA

¹ ¡Alai pali kabia Sameria, Efraín prautka lâka bara kraunka ba, tangnika painkira pranakira ba srawan, baha il plahpia laih purara bâra kan ba, bara wain di lal saura takan ba!

Aiseya 28:1 ပူးပေါင်းရင်းမြစ်များ

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 Kronikas 28:6

Kasak pali, Remalías luhpia Pécah mita Juda uplika nani ra yu kum 120,000 ikan, uplika nani ba war aiklaklabra nani kata, kan witin nani ai damika nani Dawan Gâdka wina tnaya ra tawan bamna pruan.

Sins Lâka 23:29

¿Ya pât wahwisa? ¿Ya ba inisa? ¿Ya unsaban ra wini inisa? ¿Ya kabia ni bahki man insauhkan kabia ba? ¿Ya nakra pauni pali takan kabia ki?

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Aiseya 5:22

¡Man nani ra saura kabia, wain diaia upla wala sip puram luras ba, waitna karnakira nani, wain miks munaia sip man puram luras ba!

Aiseya 8:4

Tukta ba kau ‘papiki’, ‘mamiki’ aisaras ba ra, Damaskus, Sameria wal dukia kukanka nani sut ba, Asiria kingka mita dakbi brih wan kabia.”

Aiseya 9:11

Bamna Dawan mita daukan waihla saura sibrinkira nani ba witin nani mapara balaia; Dawan mita blikan witin mapara waia aiklabaia.

Aiseya 9:8

Dawan ai bîla Israel ra blikan, bara Jekob purara kauhan;

Aiseya 9:9

bara upla nani sut ba tânka bribia, Efraín bara Sameria ra iwi nani ba sut. Praut lâka wal ai kupia ra aimayuni aisi ba:

Oseas 4:11

“Rug lâka bara wain ba, lâ wapni daukaia lukanka ba tikisa.

Oseas 5:5

Israel uba tara takan, sakuna ai daukanka ba kli, witin ai mapara aisisa; Efraín ai watawika lâka daukan ba ra, kli ai mina prukisa, ¡bara Juda sin witin aikuki bahara ai mina prukbia!

Oseas 5:9

Yang bui Israel kiamka tilara maisa pakisna baha diara nani bal takaia ba, kasak pali baku takbia: klala yamna yua ra, Efraín ba âpu daukan kabia.

Oseas 6:10

Israel watla bilara yang diara saura pali nani kaikri: Efraín urkira takan; Israel ba tâski pali takan.

Oseas 7:5

Yawan wan kingka kraunka mangkaia yua ra, wihta nani mita, king ra wain dakaki baha laptika mita, yan ban siknis takan. ¡Bara king ai lawaska kiki nani ba purara, witin ai mihta sakban!

Libait Lâka 26:19

Man nani silp mamyuni kaia lâka brima kaka, pîs lupia nani ra mai krikamna, kasbrika lî maikbia apia, tasba sin mâ maikbia apia.

Emus 2:12

“Sakuna man nani lika Nasariu nani ra wain taibi muni yabram din, bara prapit nani ra sin wiram, yang nini ba dahra aisabia apia.

Emus 2:8

Upla nani wina traska mana kwala dakbi brin kwalka nani ba palki, baha purara aitniki plun kahbi pih, ai gâdka bahki nani ra mayunisa, upla wina taibi muni dakbi brin lalahka wal atkisa, bara ai gâdka watla ra di banhwisa.

Emus 4:1

Sameria mairka nani, Basán bîpka mairin batanira nani, naha dahra aisin bîla na wals, upla umpira nani ra raitka yabras taibi munisma, bara upla diara nitka bri nani ra saura pali munisma ba, mayam waitna nani ra adar yabisma wain laya diaia bri sal maikbia.

Emus 6:1

¡Saura pali kabia baha nani, Saion ra wark daukras bahki man bâra iwi nani ba! ¡Baha nani Sameria ra lukras kira iwi nani ba, saura pali kabia, tawan tara nani lalka, kau tara kulkan nani bri ba, baha nani ra Israel luhpia nani ba wih pliki ba!

Emus 6:4

Elepant napa ni paskan krikrika nani purara yapisma, wamtla bilara iwaika swapni nani paskan ba purara iwisma, Sîp lupia nani, bîp lupia batanira nani iki pi lilia daukisma;

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”