Aiseya 27:6 - DAWAN BÎLA AISKA

⁶ Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Aiseya 27:6 ပူးပေါင်းရင်းမြစ်များ

Job 37:12

Imyula ba lipi auya, kasbrika pura bâk kriwi bara bulwi baku dauki auya, Gâd bui dîa daukbia win ba kat tasba aiska purara.

Aiseya 35:1

Upla iwras tasbaya ba, lilia taks, tasba lâwan nani yakan swin kan ba lilia takbia, lapta tasbaya ba sin lilia bribia, tangni baku tangnika baiwbia.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 37:31

Bara ya nani pruras swakwan nani ba, Juda ra inta wahia baku pâwi kabia: ai wakia nani sâkbia bara mâ ailal sin sâkbia.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Jirimaya 30:19

Witin nani lilia lawana tâ bri aiwanbia lilia kikanka ba sin. Kau wiria takbia apia, witin nani kau ailal daukamna. Bahki kulki kabia apia, kan yang mita witin nani ba yamni kulkamna.

Isikiel 36:10

Yabrika Israel ra iwi nani ba ailal pali takbia. Tawanka nani ba upla nani ni banhkamna, bara sauhki tikan nani ba kli paskbia.

Isikiel 36:8

Israel ilka nani man nani mampara, natka wala ra, dus tara nani bara mâ ailal, yang upliki man nani dukiam bâra kabia, pat kli tawi balaia sma piua ba baila sa bamna.

Oseas 2:23

Upliki nani ba, yang yakan upliki nani kaia tasba ra swimni. Lo-ruhama ra latwan kaikamni, Lo-amí ra wimni: ‘Man nani ba yang upliki nani sma’, bara witin ai wibia: ‘¡Man ba yang Gâdki sma!’ ”

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”