Aiseya 27:13 - DAWAN BÎLA AISKA

¹³ Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 27:13 ပူးပေါင်းရင်းမြစ်များ

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

1 Kronikas 15:24

Bara prîs nani ba Sebanías, Josafat, Natanael, Amasai, Sakaraya, Benaías, bara Eleazar, witin nani lika Gâd lâka auhbaia watla ba tâura trumpit nani puhbi kata. Obed-edom bara Jehías sin Gâd lâka auhbaia watla durka âialkra nani kata.

Lawana Nani 47:5

¡Dawan Gâd ai iwaika ra iwan, wini, lilia bin dauki, trumpit puhbi kira!

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Lawana Nani 89:15

Man Dawan, lilia pali sa baha uplika lilia mamyunaia lan banhwi ba, bara ingnikam ba ai yabalka ra ingwi kabia,

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 18:3

Man nani sut, tasba aiska ra iwisma ba, tasbayam ra iwisma ba sin. Il nani purara sain nani bukbia ba ra, man nani kaikma, trumpit puhbia ba ra, man nani walma.

Aiseya 19:21

Idsip uplika nani ra Dawan ba param takbia bara witin nani bui kakaira takbia, prisantka nani sin daukbia; witin nani sin pramis daukbia Dawan ra bara dîa daukaia wibia ba kat sin daukbia.

Aiseya 19:22

Dawan Idsip uplika nani ra klala yabia; klala yabia bara kli rakbia, witin nani Dawan ra ai kupia lakbia, bara witin nani ra ai kupia pihni ba marikbia.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 25:6

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Aiseya 66:23

Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Jirimaya 31:6

Bamna balbia yua kum aihwawakra nani ba Efraín ilka wina wini kabia: ‘Man nani bal, kaisa Saion ra, wan Dawanka Gâd ra.’ ”

Jirimaya 43:7

Dawan aisi ba walras, witin nani sut mahka impaki Idsip ra wan, Tafnes tawanka ra takaskan.

Jirimaya 44:28

Upla maura baman war ra pruras Idsip wina kli Juda ra balbia. Baku, Juda ra takaski iwan nani ba Idsip ra wih iwan nani sin kaikbia, ya aisin bîla ba kat diara nani takan sapa, yang aisisna ba, apia kaka witin nani aisin ba takan sapa.

Isikiel 20:34

Yang sut asla daukamna tawan bara nisan nani tilara yakaban ba wina; karniki tara ba mangki bara kupi baiwanka wal klala yabri ba.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 39:25

“Baha mita, yang Dawan sna ba, wisni: Nanara kupi pihni lâka brimni Israel uplika aiska dukiara, Jekob kiamka nani dukiara. Yabaisni nahki kaia ba, bara taibi munaia nini ba kulkanka tara yabia dukiara.

Daniel 11:45

Ai tintka watla ba bapan kabia kabu ba wina Tasba Pranakira ilka holikira ba kat. Sakuna baha pali kat, witin pruaia awarka ba aimakbia, upla âpu kabia witin ra hilp munaia.

Oseas 11:11

“Daiwan tnawira nani baku, Idsip wina tatatwi balbia; butku nani baku, Asiria wina balbia; bara daukrika witin nani kli bal ai watla nani ra iwbia. Yang, Dawan, kasak aisisna.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Oseas 9:3

Efraín kli Idsip ra wabia, bara Asiria ra wih tâski kulkan pata nani ba pibia. Witin nani lika Dawan tasbaya ra ban iwi kabia apia:

Libait Lâka 25:9

bara kati 7 yua matawalsip ba, baha yua sika upla pâtka nani ba sut swih tikaia yua. Baha yua trumpit nani, sîp wainhka aringka ni paskan ba, puhbia Israel tasbaya aiska ra.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Sakaraya 8:7

Yang bui upliki nani ba pri daukamni, lalma kuntrika, muna kuntrika uplika nani karnika ba wina,

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Param Marikanka 10:7

Sakuna insal 7 ba ai trumpitka mahka puhbaia piua balbia ba ra, Gâd dahra yukukan ba aimakan kabia, witin pali ba ai dukia dadaukra nani prapit nani ra win ba baku.”

Param Marikanka 8:2

Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan.

Param Marikanka 8:6

Bara insal 7 trumpit 7 bri kan ba, mahka puhbaia ridi taki kan.

Param Marikanka 9:14

Bara bîla baikra ba insal 6 trumpit bri kan ba ra win: “Éufrates awalka tara ra insal walhwal priskan ba, lanhks.”