Aiseya 26:9 - DAWAN BÎLA AISKA

⁹ Sulki tihmia ra mai brin daukisa, spiritki yang wîni ra ba mai plikisa, man lâmka tasba ra daukisma bara tasba ra iwi uplika nani ba, kasakka lâka daukaia lan takisa.

Aiseya 26:9 ပူးပေါင်းရင်းမြစ်များ

1 Kronikas 16:14

“Witin sika Dawan wan Gâdka ba. ¡Witin sika tasba aiska na wihtka aimaki ba!

Lawana Nani 105:7

¡Witin sika Dawan, wan Gâdka ba; witin sika tasba aiska na, tâ impaki ba!

Lawana Nani 119:55

Dawan, yang tihmia ra man ra kupi kraukisni; yang lika man smalkankam ba praptis munan ai daukisa.

Lawana Nani 119:62

Tihmia bakriki ra, yang mahka bûi tingki mai wi kapri man lâmka nani kasak ba dukiara.

Lawana Nani 130:6

Yang lika Dawan ra bîla kaikisni, aihwawakra nani, titan ingwaia ra bîla kaiki ba purkara. Aihwawakra nani bui titan ra bîla kaiki ba baku,

Lawana Nani 58:11

Bâra mika wibia: “¡Aitani pali sa, upla ba kasak kaia ba! ¡Dawan kum bâra sa, tasba aiska ba lâka daukisa!”

Lawana Nani 63:1

¡Gâdki, man ba yang Dawanki sma! Yang lika man ra brin ai dauki kira mai plikisna, kan diran ai dauki ba mita yang rayaki aiska ba, man dukiam takan ai daukisa. Sim tasba lâwan, lî âpu, rayaka; sin âpu ba baku sna.

Lawana Nani 63:5

Yang âuyapah pali takamni, upla nani pata tara kum ra, pih ai âuyapah lilia taki ba baku, bara yang bîli ba liliakira man ra mamyunbia.

Lawana Nani 64:9

Bara upla sut Gâd ra kulkbia, baku sin upla sut aisi kabia dîa daukan ba bara tânka bribia, witin dîa daukan ba.

Lawana Nani 78:34

Gâd mita iki tikan, bâra lika witin ra plikan, witin ra kli bal plikan wapras kira pali.

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 55:6

“Dawan ba pliks, man nani, witin ba kau pliki sakaia sip sma ba ra, witin ra wins kau lamamra ba ra.

Inanka Nani 2:19

Bus, bara kisbi ins kakna ra bara tihmia ra, awar nani sut ra sin kisbi ini bas; kupiam wina diara sut sâks Dawan ba mawanra, yas lî baku plapi kabia; mihtam nani makabi ba natka ra, witin ra sâks, bara luhpiam nani rayaka dukiara makas, naha nani yabal un nani ra plun bla prui banhwi ba.

Inanka Nani 3:25

Dawan ba yamni sa, ya witin ra kasak luki nani ra, bara ya witin ra pliki nani ra sin.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Mark 1:35

Titan, yu baiwras, kau tihmia kan, Jisas mahka buan bara tawan wina taki yakan ai pura sunaia wan plis kum yakan bâra kan ba ra.

Luk 6:12

Baha piua nani ra Jisas il kum ra uli wan ai pura sunaia, bara witin tihmia aiska Gâd ra ai pura sunan.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.