Aiseya 26:19 - DAWAN BÎLA AISKA

¹⁹ Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 26:19 ပူးပေါင်းရင်းမြစ်များ

Job 14:8

Ai wakia ba pat almuk takan kabia sin, playa ba tasba ra pat sukwisa.

Job 29:19

Yang na dus kumi tingni un ra mangkan ba baku sna, ai tnawa nani ba tihmia piua ra diwas laya mita buskisa.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Lawana Nani 22:15

Bîli sin lâwan, laya âpu sa; yang twisi na dairkaya kat alkan. ¡Man bui yang na, prura tasbaika kat ai bri balram sa!

Lawana Nani 22:29

Man nani, witin ra bawi bas, witin ra baman mayuni bas man nani sut diara ailal bri iwisma ba, baha nani sut tasba yuya ra tawaia kan ba, witin nani yakan ai wîna ra rayaka âpu ba.

Lawana Nani 71:20

Pât saura manis, bara sari lâka nani aikram wauhri sakuna, kli raya iwi kaia aikisma, bara tasba munhta pali ba wina ai bukuma,

Lawana Nani 88:11

¿Ban kra kasakkam lâka bara lamtwanka lâka ba dukiara aisaia raiti ra prura king lâka ra?

Aiseya 18:4

Dawan bui ai win: “Pliski ba wina trabil âpu kira kaiki kamna sin, mani piua ra lapta ingni pali taki baku, diwas laya kasbrika bitni pali piua ra buski ba baku, sâp kamna.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Aiseya 51:17

¡Rawi bus! ¡Rawi bus! ¡Jerusalem, rawi bus! Dawan klalka ba wauhram, kupia baiwanka kapka ba diram, man ban bla takram ba kat.

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Oseas 14:5

Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Matiu 27:52

raiti nani ba kwawan, bara Gâd ra kasak luki uplika ailal pruan kan ba kli bukan kan.

Matiu 27:58

Bara witin Pailat ra wih, Jisas wîna tara ba makaban. Bamna Pailat adar yan witin ra yabia.

Apastil Nani Sturka 24:15

Bara witin nani na wal baku Gâd wina diara bîla kaikisni; pruan nani ba kli buaia sa, upla pain nani, upla saura nani sin.

1 Korint 15:20

Sakuna kasak pali sa Kraist ba pruan nani tila wina kli bukan kata; pruan nani kli buaia daknika tila wina witin sika mâ tawahkia ba.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Kli Smalkanka 32:2

“Yang smalkanki ba lî baku auhbia, yang lukanki asla dauki aisamna ba diwas baku kabia, prata nani ra lî sikwan baku, lî tahwan baku twi purara.

Kli Smalkanka 33:13

Josep dukiara aisin: “Dawan bui witin tasbayam ba yamni munbia, kasbrika purara ba wina diwas kau pain ba ni, bâra lî tasba mununhtara bâra ba ni sin,

Kli Smalkanka 33:28

Israel ba kasak luki tniwi kabia, ai kiamka nani sut kupia kumi ra lâka ra iwi kabia. Ai tasbaya ra plawar nasla nani bara wain nasla nani bâra kabia, kasbrika purara ba wina witin nani ra lî auhi ban kabia.

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

1 Samuil 2:6

Dawan bui upla rayaka saki bara yabisa; witin raiti bîla kat wan blikisa, bara baha wina kli wan buki sunisa.