Aiseya 26:17 - DAWAN BÎLA AISKA

¹⁷ Dawan, yang nani mamwanra mairin kwihra baku, ai luhpia baikaia piua ba baila taki bara ai mamna lulkisa, inisa ai wîna latwanka nani tilara, yang nani baha baku sna, Dawan, man mawanra.

Aiseya 26:17 ပူးပေါင်းရင်းမြစ်များ

Blasi Sturka 3:16

Mairin ra witin win: —Sarkam lâka ba uya pali daukamna, man kwihra tiwisma ba piua ra; wînam latwanka tilara luhpiam nani baiki kama; bara man kupiam brinka ba mayam kat kabia, bara witin ba man wihtkam aimaki kabia.

Lawana Nani 48:6

Sirang ba mita, witin nani ai dawanka takan; bara mairin kwihra, tukta briaia latwanka baku takan;

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Aiseya 21:3

Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Aiseya 37:3

witin ra wiaia: “Ezequías naku aisin: ‘Naiwa yua sari tara yua sa, lawi wan dauki Gâd mapara saura aisin yua; mairin kum luhpa baikaia piua aimakan, sakuna aisubi sakaia karnika âpu ba baku.

Jirimaya 30:6

Man nani makabi wals, waitna kum aisubaia sip sa sapa. ¿Bara dîa muni waitna nani ba latwan bri ai warbisa, luhpa baikaia latwanka bri ba baku? ¿Dîa muni witin nani sut mawan tâlia âpu takan ba?

Jirimaya 4:31

Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Jirimaya 6:24

Jerusalem ra upla nani ba aisisa: “Baha sturka ba yang nani walri, bara sibrin mita karniki âpu takan sa; yang nani kupi wirha bara latwan pali wahwisna, mairin kum luhpa baikaia ba baku.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Param Marikanka 12:2

Naha mairka na kwihra kan, bara uya ini kan ai biara bûi kan bamna, bara aisubaia pat baila kan.