Aiseya 25:3 - DAWAN BÎLA AISKA

³ Baha mita upla karna nani ba yamni mai kulkisa, prautkira nani tawanka tara ba man ra sibrin lukbia,

Aiseya 25:3 ပူးပေါင်းရင်းမြစ်များ

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 24:15

Baku sin lalma tani ra bara kabu un ra iwi kuntrika Dawan ra mayunra pranakira yabia, Israel Gâdka ra.

Aiseya 29:5

Sakuna istikira, wan nakra klipan kumi ra karnika sut bri Dawanka ai waihla nani ra klala yabia. Witin balbia alwani nani wal, tasba nikbi bin tara nani kira sin, skwal pâsa saura bara pauta klauhan sauhki tatikra kira. Waihlam ailal tasba yuya man takbia, ninam blablikra nani ba twi lâwan baku raski bri wabia.

Isikiel 38:23

Baku marikamni tawan ailal nani ra, yang tara pali bara holiki lâka ba marikamni. Yang bui yabrika witin nani ai kakaira takbia, bara ai dara walbia yang sika Dawan sna ba.

Miqueas 7:17

¡Witin nani piuta baku tasba pukpuka ra sambia; ai biara lama taya ra kwasi tauki daiwra nani wala baku! ¡Ai watla bilara dimi yukuwi ba wina, tatatwi takbia, kli man ra plapi balbia sibrin tara kira ni, Dawan wan Dawanka!

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.