Aiseya 25:2 - DAWAN BÎLA AISKA

² Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Aiseya 25:2 ပူးပေါင်းရင်းမြစ်များ

Job 12:14

Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Aiseya 13:20

Baha tasbaya ra upla kli iwaia pliska âpu kabia, upla kiamka kum wina wala kat sin bahara iwi takaskan kabia apia; Arabia uplika nani sin, kli bahara utla papakni mâkan kabia apia, Sepad nani sin ai sîpka nani ba ra wabia apia.

Aiseya 13:21

Bara bahara daiwan wail nani baman bal takaski kabia, watla nani ba iskri nani baman dimi kabia; tnawira pâlras tara nani il biara ra ba, bal dimi kabia guts wail nani sin bâra pâli puli kabia.

Aiseya 13:22

King watla nani ra, daiwan pruan papira daiwra nani dimi yul swi kabia, ai lilia briaika watla nani ra yul talika daiwra nani man kabia; ai piua nani alkaia pat baila takisa, ai yua nani ba kau yari daukan kabia apia.”

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 17:1

Damaskus mapara dahra aisin ba: Damaskus tawan tara ba, swika baku ban kabia apia; sauhki tikan yuyaka nani baman kabia.

Aiseya 17:3

Efraín ai yukuwaika watla ba wina sakan kabia, Damaskus kingka tasbaya ba wina sin; Siria wina upla kau takaskuya ba sin; king tasbaya âpu kabia. Karnika sut bri Dawanka ba aisisa.

Aiseya 21:9

Bara nanara kaikisna aras wâl wagin kumi raski aula.” Bara upla kum aisi, win: “¡Kauhan, Babilon ba kauhan! Ai aidulka gâdka nani sut tasba ra kauhi kriwi yuya baman takan.”

Aiseya 23:11

Dawan ai mihta ba kabu purara sakban, king tasbaya nani ba yan tatatwan, Dawan adar win Kenan dukiara, witin karnika nani ba slingban kabia.

Aiseya 23:13

Naha tasbaya na man nani kaiks, Caldea uplika nani mita tasbaya na ra tawer nani paski Sidón ra utla tara nani ba batakan, slingbi swin, but nani ra mangki brih waia baman. Witin nani ba pâtkira sa, Asiria uplika nani ba pâtkas.

Aiseya 24:10

Bahki lâka ba mita tawan ba krikan sa, utla nani sut ba witin nani mita prakan, upla kum sin dimaia apia dukiara.

Aiseya 25:12

Bara Dawan mita tawanka walpaya kutbanka nani ba batakbia, slingbia, tasba kat lulki swibia.

Aiseya 26:5

Witin daukisa tara puli nani ba kauhaia, tawan tara praut puli ba tasba kat bataki yan bawisa,

Aiseya 27:10

Tawan tara karnakira nani ba bîla man swin kabia, utla kum upla dimras watla ba baku, upla âpu baku bîla man kabia. Bîp lupia nani ba bahara twi pi kabia, bahara bawi wakabi kabia, tnawa nani ba sin sut kriki âpu daukbia.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Aiseya 32:19

âu, unta tara pâwan nani ba sut klakbia, tawan ba sin sauhkan kabia sakuna,

Aiseya 34:13

Kingka watla nani ra kiaya pâwbia, wahia kiaikira dusa nani sin pâwbia ai kan kahbaika pliska nani ra; bara yul wail nani iwaika watla kabia, bara daiwan pâlras tara nani luhpia watla latka kabia.

Aiseya 37:26

¿Man aima kumi sin walras kapram ki, yang, Dawan mita naha dukia nani sut daukri kan ba? Patitara yua nani ba wina pat daukaia luki kapri bara nanara yang mita baha ba daukri sa; baha mita sika man bui tawan karnakira pali kutbanka tara nani daukan ba sin, sauhki âpu daukisma.

Jirimaya 51:26

Man mai slingbamna walpaya ba aisawan kabia, baha ni kli utla nani mâkbia apia. Upla iwras tasbaya bâra ban kama. Yang, Dawan, kasak aisisna.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Kli Smalkanka 13:16

Tawan lilara upla aipaswaika pliska ra, ai dukia kukanka nani ba bri si paski swis, bara tawanka ba ra, diara nani sut waihlam nani wina dakbram ba pauta ra angks. Sauhki tiks, Dawan Gâdkam ra prisantka baku angki yas. Bara baha tawanka ba baku ban kabia, kli raya paskbia apia.

Param Marikanka 18:19

Ai lal nani purara yamhpus mangkan, bara ini sari taki, naku ai pura wini kan: “¡Alai, alai, tawan tara ba mapara saura pali sa! Ai yuyaka ni kabu ra slaup nani bri kan ba sut yuyakira takan; ¡bara aihni pali witin ba pat sauhki tikan sa!”